Bem obi li

N'costâ cabeça li
Câ bo fra nada
Obi un cusa tâ batê
Má câ bo fra nada!

Dichâ ês batimento
Papiâ pâ nós
Sossegado!
Câ bo fra nada!

Palavra tâ minti
Silénsio câ tâ minti
Spian na nha odjo
Odjar câ tâ minti!

Bo stâ odja strela
Dento di nha odjo?
Strela câ tâ minti
Odjar câ tâ minti!

Odjâ, má só odjâ
Câ bo fra nada!
Pamodi palavra tâ minti
Mar na nha odjo câ tâ minti!

Spiâ na nha odjo
Razado di ágo
Spiâ na nha bêxo
Seco di bêjo!

Odjâ un ponti fêto
Di bo odjo pâ di mê
Pâ tchigano más perto
Perto cumpanhêro!

Spiâ drêto nês bêxo seco
Êl câ tâ contâ mintida
Má palavra tâ minti
Ês bêxo e sorriso naun!

Spiâ pâ min divagar
Dichâ silénsio papiâ
Obi nha corasan
Tâ papiâ co di bó!


Domingos Barbosa da Silva

Março, 2005-03-10

 V O L T A R