Amizade

'N ta amabo cô tanto ardor
Pamódi tanto arguén sem sorte
Stâ morré tudo dia, cô tanto dor
Qui na qu'el dia qui tchigâ morte
Ês câ tem más qui morré, amor!

Por isso, 'n crê pâ bô ser mi
Na hora qu'in stâ ausente
Pâ bô arri dispatchado cô nhâs gente
Suma tudo quê di bó ê di mê.
Pâ 'n podê sempre bendizê bô nome.

Min crê ser bó na bô ausensia
Min crê ser amigo de bôs amigo
Um poco más qui propi bó
Cô amor, cô carinho, cô sodade...
Pam morrê de sodade, de amor...

Bó ê nha padaz de estimasan
Qu'in tâ crê codjê tudo padacim
Se um dia destino quebrábo,
Fitchado na tamanho de nha braço
Di largura di nha imaginasan.

Domingos Barbosa da Silva

 V O L T A R