SANT ANTON MA SONCENTE NA TEMPE DE COLA SAN JON (SANTA CRUZ – SANT ANTONE – SAN JON - SAN PEDRE)

Tude ês festa, seja pa Santa Cruz, SanAntone, SanJon ô San Pedre, tive e tem sempre quel mesme manera de procedê, na sê jete e na sê forma, prop de nôs folclore, c’ aquel missa e butzode plumanhã na Igreja, currida de cavole, despôs quel bada juntá na lugar de festa pa colá, ondê que t’otchode quês BARRACA, que tude espece de cmida ma bibida, sobretude trazide de Sant Anton!

Tude one nesse quadra de festa na mês de junhe, moda custume e tradição ta mandá, pove de Sant Anton ma Soncente ta formá um só bloc, cosa más natural desse munde que tem sê explicação na raíz de pove, quê oitenta nove por cente, senão más, de gente de Soncente é de Sant Anton! Assim, tude one ês ta juntá pa’s podê honrá Sonte de sês freguesia, que ta cumeçá pa Santa-Cruz dia 3 (três) de Moie, passá pa 13 (treize) e 24 (vinte e quate) de Junhe, de Sant Antone ma San Jon, e cabá dia 29 (vinte e nove) que festa de Senhor San Pedre...

Se nô espiá bem p’um calendar, gente ta tmá fê cma tude dia d’one tem sê Sonte, ma esse quadra de festa li pa nôs é bem especial quê pove, na sê manera místico-religiose e grande respeite pa tradição, ta festejal cum força quaz sobrenatural, cumpanhode d’aquel repicá tambor que, sem querê nem podê explicá, nô ta sintil, nô ta vibral e vivel na nôs sangue… Quê, na funde de nôs alma, nôs tude é TAMBOR!

Moda tude mnine que vivê naquel tempe, quel manera de festejá San Jon fecone gravode na mimória e na coração pa tude tempe! É de lembrá quel presença bem forte de Nhô Morc Patada Muidor que sês broce chei de muscle, moda um espece d’arauto que tude one na épca, tava bem anunciá abertura dês festa que sê TAMBOR passode na pescoce, ta bem ta dexí, ta repical e ta guental el só, desd’ Olte de Sularine, Fonte Felipe, Fonte Dator, ta passá pa nôs Pracinha de Liceu Gil Eanes té tchegá na morada, lugar ondê quel tava bem anunciá pove, cma mês de junhe tinha tchegode e trazide ma el na tempe, tude quês “Festa de Sonte na COLÁ SAN JON”!

Na Soncente, Festa de Sonte tava cumeçá justim naquês data de mês de moie/ junhe q’um ordiá log li na principe de storia... Pa Santa-Cruz era na Salamansa; Sant Antone ma San Jon na Rebera de Julion e San Pedre lá na S. Pedre...

Na Sant Anton, pa 13 (treize) de junhe, Sant Antone era festejode na Vila das Pombas; 24 (vinte e quate) de junhe, San Jon Baptista era na Porto Novo e 29 (vinte e nove) de junhe, San Pedre era festejode la na Rebera de Garça, Chã d’Igreja...

Era sempre um grande ligria na épca dês festa, oiá quês camionete tude coloride pintode de fresque que sês bancada pa trás, na caixa, tude linhode, bem ranjode e já pronte pa carregá gente, parode la naquel lorgue de rua de Coque ô de Corte Tenis Mindelo ma Clube Castilho, que sês fiscal cobrador de bilhete, já cunchide de pove, moda cumpade Libertal ma Fudjinha que Deus haja, de bolsa na mon, porta-voz na boca ta gritá quel “ir e bai” na goze, sô pa fazê pove arri, siguide daquel:

- Oh nhas gente, nô bai! Quê hoje é quê quel dia!... Dôs e quinhente (2$50) “ir e bai”!... Ma sô pa bai!

Basta era só esperá camiunitim intchí pa chofer pudia rancá!...Enton, pove tava bai pa camin, ta manifestá tude sê ligria cuns gritim, na mei daquel muvimente de bai e bem de corre sem pará, de plumanhã té de note, pa lorgue de COLÁ SAN JON na Rebera de Julion e, Deus na estrada ta cumpanhá criston... Quê camin de corre naquel tempe n’era grandes cosa e pra lá ca tinha luz!... Inda más tinha quel curva perigose inclinode de quaz 45 grau, log na entrada daquel lugar de colá, ondê que corre tava sebi e dexi sempre ingatode na primera... Cosa que pove nunca pude custumá e tava pô log ta gritá, tude vez que corre passaba naquel lugar.

Quel muvimente na épca dvera, devra, era bem forte e mute importante, moda espece dum peregrinação, ondê que cada um ta tem sê prop razão de bai, na sê crença, pa bá cumpri sê promessa de manera tão pessoal, que ninguém tava podê atingi pa pudesse explical...

Enton era tude quel pove ta desimbarcá naquel lorgue de Colá SanJon de Rebera de Julion, sem pará dia e note durante tude quel quadra de festa de Senhor Sant Antone ma Senhor San Jon, o que era logue um afronta, sobretude da tardinha, hora que festa tava estode na “top” de sê SABURA, que de note ta bem ta fetchá e tude quel pove rinquiode ta saltá LUMENARA!!!

Ma moda de custume, antes de festa rancá, sempre tinha, e um ta supô cma té inda hoje devê tem, quel missa de plumanhã na Igreja de Rebera de Julion, chei de pove que ca ta tinha nem lugar dente d’Igreja pa tude gente... Enton pove era ubrigode de fecá na rua, quaz sempre na mei daquel vente de matá, prop de salgá criston oie. Assim, pove zarode daquel vente tude one pa San Jon, butzal pa nome de festa de Senhor San Jon revulteode!!!

Na Porto Novo-Sant Anton, Freguesia de S.João Bapbtista que na épca ca tinha padre fixe e Igrijinha era bem pobre cuberte de paia, la num cantim de Rebera d’Igerja, tava bem padre Cecilio sempre na depressa, dá quel missa e despôs rinquiá quel monzada de mnine, as vez mas de vinte, e dzês cma de ponta de fila até fim de fila, el tava buitzás em nome de Pai, Filho e Espirte Sonta!... Amen!!! Despôs sacristão tava formá log ote fila pa batisme pudia cuntinuá naquel expediente pa rapte...

Despôs de missa, era quel rancada pa lorgue de Colá SanJon de Rebera de Julion, pra lá chei de BARRACA que sês reservode tude infeitode, ta vendê quês rosare de Senhor San Jon fete de midje iliode, mancarra, brinhola, etc, e que tude espece de cmida e cosa d’apetite já pronte, moda midje ingron, tchurice de sangue, botchada, tchoresque, pa quem sintiba fome, regode daquês bom grogue, pontche, bandoie e más otes cosa sabe de cmê ma bibê...

Festa lá fora ta roncá que força, cumpanhode naquel ritme de repicá tambor, siguide daquês navizim de vela brónc bem infeitode, que sês “Capton Farel”, Djê ma Capote de Monte Sussegue de boné pite na boca, vela na vente, sempre ta vançá moda ta buliná que tude quel pove pa traz seguerode ta dançá, que sês corpe além ta bai, ta bai, ta colá, colá… ô SABE!!! Colá… colá… colá SanJon, colá na rebera de pique… colá na tchã de pentei... C’aquel vluntarona d’Antonha de Bill ta comandá de xaile marrode na cadera e, sês grite pa completá, quel colá nesse pique Mari d’Aninha… Colá, colá pu’riba quê por boxe n’é nada que bô!...

Coladera de fama na Rebera de Julion ma naquel tchon de Soncente pa colá San Jon, era cosa que ca tava faltá! Ma chefona dês tude, dadera de lição de colá San Jon, era Antonha de Bill carregadera de cais, cunchide de pove pa ser vluntara, desbocada e sê descontra...

Basta, quonde ela tava rancá pa “COLÁ SAN JON”, pove tava abri ala pa dexá quel padoce d’amdjer passá... Enton, ela tava bai, ta rabolá sempre ta mexê que sês bnite cadera té tchegá na bô,... mandobe fetchá perna, pal ca quebrobe ove, quonde el espancá na bô!.. Quê moda ela tava explicá, home na hora de colá, devê ter sempre perna fetchode!...

E assim, ela tava cuntinuá que sês grite, ta vivê quel festa de Senhor San Jon revulteode cum força de matá, junte ma quês ote amdjer coladera de sê grupe sem rival, moda Caela, Mari Caela, Mari Binisse, Julieta Boca Motcha, Mana, quel que tava vendê cana lá na rua de Suburbana, Funny Eyes, Mari Curvim e tonte otes amdjer prop bom naquel arte de Colá... Colá, ô Sabe!!!

Tude one, pa completá quel show, pove tinha custume de fazê quel roda, pa dexaba quel bnite cavole de Nhô Manilim Feijô dançá na ritme e som daquês tambor… Dvera era um espectacle bnite d’oiá quel bitche espendê no ar sês dôs pé de diante, que sê cavaler muntode derriba, el ta dançá que sês dôs pé de trás fincode na tchon, sempre na ritme daquel tocar de tambor que tava fazê admiração de tude gente.

Tonte na Soncente cma na Porto-Novo de Sant Anton, tude one pa ês festa ta tinha quês memoravel corrida de cavole que tava fazê ligria de pove...

Nô tinha também na terra quês valente na arte de repicá tambor bem repicode, cosa série e quaz sem rival na Munde, moda Nizim de Cambra, Ti Pedre Gigante, Tota, Morc Patada Muidor, Sbeca, Lela Cassarola, etc, etc. Não sem esquecê tude quês “Bzana”, tocador de tambor que tava custumá tchegá inda naquel tarde na Faluche de Porto-Novo Sant Anton, pa quel grande desafiu de tocá tambor betada fora, pa fetchasse más quel festa de Senhor San Jon Revulteode na Rbera de Julion, junte ma sês pove irmão de Soncente.

Ma um cosa é certe, nhas gente. Ondê que festa de Senhor San Jon Baptista fui sempre famose e festejode amdjor é na Porto-Novo de Sant Anton! Pra já, lá é quê freguesia de Senhor SanJon Baptista... Assim, tude one na épca quel pove ta fazê quel data de quilómetre pa bá bescá Sr. SanJon Baptista lá na Rebera das Patas e trazel na andor que força de sês broce, ta tocá tambor, ta colá San Jon, ta pará pa camin pa descansá, ta cmê ma bibê, té tchegá na Porto-Novo!...E, quem bá bescal é que ta bá leval! Assim, quonde festa ta cabá, ês ta torná fazê quel caminhada de volta, pa torná bá levá Sr. San Jon Baptista lá na sê posente...

Tive um tempe quês tinha decidide de fecá ta bá bescá Sr. San Jon de corre lá na sê lugar na Rbera das Patas. Ma cma tive um grande desastre de corre pa festa, que morrê tcheu gente e tcheu fecá feride, pove enton, pa superstição ô azar de vida (cosa que ninguém té hoje ca sube explicá), resolvê fecá ta bá bescal e bá leval a pé pa festejal devidamente, moda ês tava custumá fazê dantes naquel camin...

Assim, festa tava roncá rije, forte e valente despôs daquel missa de freguesia, siguide de corrida de cavole ma desafiu de tocá tambor, na tcheu ritme diferente, num quem pudesse a más... Que gente ta colá, tude c´aquel força d’alma misteriose que ta na sangue, ma ninguém ca sabê nem podê explicá, moda espece de ritual dum espirte ta bescá sê “LIBERDADE” de que el fui privode desde sês origem de dondê quel bem!... Pa completá festa, era quês barraca sempre chei de gente ta cmê ma bibê, binde de tude parte d’ilha de Sant Anton e também tcheu gente de Soncente, que tava bem pa Porto-Novo bem festejá e bem bescá quel benção, direte na Senhor San Jon Baptista.

Na nôs lembrança de menine, chei de curiosidade, nô tava gostá de bá fecá lá na ponta de Padrão, deboxe de Furtim, tchemode também Puntinha, t’oiá tude quês naviu moda, Faluche, Liberal, Carvalho, Atalanta, S. Vicente, carregode de gente, que sês vela desfraldode na vente, além ta bai, ta bai e bem, ta travessá Canal de Soncente – Sant Anton deboxe daquel vente, temporal de Sr. San Jon, pa bem e basse festejá quel Grande Festa que ta contecê um vez só pa one! Tcheu de nôs gente tava cambá Porto Novo pa esse festa, inda ês tava torná voltá, godzide só p’ês pudia inda trazê um padoce “d’EL”, pa bem dasse quel fim na Rebera de Julion lá na Soncente, inda tude naquel SABURA INFRONTODE!!!

Tude ês festa, seja pa Santa Cruz, SanAntone, SanJon ô San Pedre, tive e tem sempre quel mesme manera de procedê, na sê jete e na sê forma, prop de nôs folclore, c’ aquel missa e butzode plumanhã na Igreja, currida de cavole, despôs quel bada juntá na lugar de festa pa colá, ondê que t’otchode quês BARRACA, que tude espece de cmida ma bibida, sobretude trazide de Sant Anton! Só cosa d’apetite, num verdader troca, pa enriquecê e reforçá cada vez más nôs cultura...

E, pove naquel lorgue de Colá SanJon, juntode, formode um só corpe, na mei daquel sol, vente e calor, chei de gota de suor ta esgritchis pa tude banda, ma sempre ta sigui quel Festa de Sonte cum seriedade, trançode c’aquel ritme de tambor, num verdader misticisme ta preenchê quel parte más profunde de nôs tradição....

Moda nh’amigue-irmon DEMBA ta dzê, e bem, na sê poesia:

- ê ussu’l tera, sabi nôs guentis… no nassê no atchal, no ta morê no ta dexal…

Força de tradiçon é tão grande na alma de nôs pove caboverdiano, pove patriota, amigue de sê terra que, ondê quel tiver, el tem sempre quel poder mágico de trazê ô levá sempre um padoce de sê tradição ma el na sê coração, lá ondê quel tiver ta vivel!!!

Assim, na Rotterdam-Holanda, ondê que nôs pove ta vivê bastante perte de cumpanher, más que n’alguns parte de Munde e de Europa, mode cidade quê piqnim, ês tava festejal tude one, autorizode pa Governo Holandês, e que tcheu força na rua, muntada barraca moda na Cab-Verd, lá na Pracinha de Quebrode (nome que fui puste e butzode na dvera, pa Câmara Municipal de Rotterdam), lá ondê que era antigue rua tchemode Hemaratsplein, isto é, recunhicide pa instituição holandês.

Basta era um beleza oiá quel pove na Rotterdam-Holanda, na força de preparação de sês Festa de Sr. San Jon, quonde quadra tava tchegá, que Ti Manel Belchior ta dirigi operação, chei de experiença e conseil pa dá e vendê. Naquel dia ês tava junta tude quês Sonte num sô Festa!

Cosa era sempre bem organizode pa sês fundador, que tocador de tambor ma guentador de quês navizim, famose moda Manel Belchior que nô ca podê esquecê, home d’idade que já hoje ta vivê num casa de bedje, ma que tava custumá dás consei, qu’era mute escutode na festa pa malta jovem... E siguide de tude quês incansavel cumpanher, moda Djusinha de Bernalda (Djosa Funha), Dindin, Jon Lorenço, más tcheu rapaz de SanNiclau quês ca dame sês nome, ma que tem sempre participode na festa q’alma e coração.

Na França, pove tem cunsiguide sempre fazê festa de Colá SanJon, sobretude lá pa lode de Fameco, ondê que tem tcheu Verdione... Na Paris, one passode, pove fazeba um grande festa pa Sr. San Jon que fui mute bom e tive um bom participação, na Compe de Jogue de Futebol na Porte de Montreuil... Esse one li, cosa tita bem ser forte também, moda boca de pove já dzê.

É desse manera lissim que nôs pove ta ba ta passá quel mensaja forte de nôs Tradição e Cultura, na tude sê extensão e simplicidade, pa otes pove espaiode p’esse munde fora e ranjá manera pa completá tude quel traboie, na cuntinuidade e linha de Bana, Cesária Évora, Lura, Sara Tavares e tude nôs Artista, Poetas, Escritores, Músecos, Compositores e tude quês otes que tita bem pa trás e cuntinua ta fazê conchê nôs Cab-Verd. Quê tempe ta mudá, gente ta evoluí e geração ta cuntinuá ta bá ta passá na tempe e na espace e ta sucedê GERAÇÃO… PA CA DEXÁ NÔS CULTURA MORRÊ!!!

Zizim Figuera (José Figueira, Júnior)

Zizim Figuera (José Figueira, Júnior)

V O L T A R

ººººººººººººººººººººººººººººººººººººººººººººººººººººººººººººº


Hi Brother, "NOS ALMA Ê TUDE TAMBOR", repicando contigo nestas Festas Populares que tão bem descreves.

O tambor que encontro no Minho, no Brasil e em Cabo Verde...Estou á espera do que prometeste,i.e do livro e depois do CD ou DVD.Pois o trabalho sobre a escrita está perfeito, sinceramente vos felicito e continuem.

Fiquei contente na semana passada por ver na tua página a manifestação de uma corrente que sabemos existir mas que parecia ignorar-te.Não gosta porque gosta do português. Eu também gosto do português mas no entanto...

Cuidode irmon quê esse cosa tita fecá ma grande que bô pessoa. Votos de mute "COLÁ" cum braçona iluminode pa calor de daquês LUMENARA

Oportuno como sempre Broder. Não morre não. As festas d Junho têm tido réplicas e continuidade na diáspora.E mais uma achega tua só enriquece as tuas estórias. Só não gostava dos tambores o dia todo... Obrigada Mag

Margarida S.Mascarenhas
magui.salomao@netcabo.pt

 

ººººººººººººººººººººººººººººººººººººººººººººººººººººººººººººº

Comentário:

Caro Zizim, Raro tem sido o domingo desde que descobri este manancial de tuas magníficas estórias que não tenho manifestado a minha alegria. Mas hoje perante esta bem especial estória, tão bem elaborada veio á minha mente com saudades profundas, toda aquela época em que minha mãe Rosa(amdjer de negoce) natural de Porto-Novo, Freguesia de São João Babptista, vivendo em S.Vicente, me levava todos os anos juntamente com os meus outros sete irmãos assistir as maravilhosas festas juninas passando por todos os sítios de Santo Antão que aí indicas com firmeza para depois se centralizar para tudo finalizar no meu Porto Novo de sodade. Uma verdadeira maravilha tudo isto e não pude conter lágrimas daquel SODADE. Me lembro aos 14 anos da minha primeira fusca de bandoi que apanhei junto ao meu irmão mais velho em que ele apanhou uma chuva de carolos da parte da nossa bem amada mãe por ser mais velho e responsável. Obrigado irmão por todas estas magníficas lembranças vindas de tão longe para nos encher o coração aos domingos de coisas que são bem nossas!ESS LI,NINGUÈM TA PODÊ TEMONE EL QUE CERTEZA NAQUEL COLÁ COLÁ O SABE... COLÁ NA REBERA DE P... Forte abraço de Sidney-Austrália Terencio

Terencio Lopes     
              terencio.lopes@yahoo.com.au
ººººººººººººººººººººººººººººººººººººººººººººººººººººººººººººº
Comentário:

Boa lembrança Nh'Itmuzim de criação pa ess dia de Sant'Antone. Lá na rua do mesmo nome me lembro que a Nininha de Adão irmã de Papa boxer e mãe da Betty costumava enfeitar parte da rua e seu botequim onde ela vendia bastanta bandói antes de ir para Ribeira de Julião á tarde Colá San Jon. You made my day and God bless you. Lili

Larry de Pina                    LPINA1@tampabay.rr.com
ººººººººººººººººººººººººººººººººººººººººººººººººººººººººººººº

Comentário:

Oh, nha broda, bô hoje em dia ta spancá na escrita de nôs criol moda quis home tava spancá na sis tambor de festa de Sanjom. Godzide, moda Nizim de Cambra, Ti Pedre Gigante, Tota, Morc Patada Muidor, Sbeca, Lela Cassarola e otes tava escrevê quel ritme de muzca popular de Sanjon naquis pele de cabra curtid. De facto, Zizim, há uns anos atrás, quando começaste a ensair a escrita do nosso crioulo, devo confessar-te que muitas vezes tinha de ler algumas passagens mais de uma vez para poder apreender o sentido do que escrevias. Mas hoje não. Hoje, leio a tua escrita com a mesma fluência e rapidez com que leio o português. Isto quer dizer, como aliás mais de uma vez já afirmei, que estás no caminho certo e o único que contribui para a dignificação da nossa língua materna e para a sua afirmação na literatura nacional. Para conseguir esse desiderato, temos, no entanto, de prosseguir, tu e outros detentores do mesmo talento, dando tempo ao tempo, sem embarcar em precipitações, como aquelas de má memória que, recentemente, provocaram fracturas num tecido onde só é lícito contemplarmos a harmonia entre o fundo azul do nosso mar e o desenho moreno das nossas ilhas. Entre o povo destas pode haver diferenças no perfil do ser e do estar, mas somos o mesmo povo ilhéu, que dispensa todo o artificialismo político que explore divisionismos insanos e maldosos. Este é o meu sentir e creio que da maioria do nosso povo. Mas esta tua crónica, que se associa a outras que já escreveste sobre o tema sanjoanino, é também um inestimável contributo para o estudo da etnografia cabo-verdiana e para uma análise holística ou dialéctica da sua cultura, pelo que os estudiosos da actualidade e os do futuro têm já uma grande dívida para com o conterrâneo José Figueira Júnior “Zizim”. A descrição que fazes nesta crónica vai ao fundo da terra e da alma do povo, de tal maneira que, embora eu já não participe numa festa de S. João há 48 anos, senti-me imerso na poeira da Ribeira do Julião, ensurdecido pelo ribombar contínuo dos tambores, seduzido pelo aroma do midje in gron e outras iguarias. Por momentos, nha broda, “fechei mesmo as pernas” porque vi Antonha de Bill a vir ao meu encontro “pa spancá na mim”. Ah, que saudades da antiga inocência e espontaneidade da nossa gente!

Adriano Lima
amlima43@gmail.com

ººººººººººººººººººººººººººººººººººººººººººººººººººººººººººººº
Comentário:

Realmente a simbiose está feita com excelência nesta rica estória cheia de informações históricas e datações de coisas que desconhecia sendo eu própria nascida no Paúl Ilha de Santo Antão.A minha mãe ficou cheia de saudades e com aquela vontade de dar um salto a terra nesta época do ano para ir ao menso ver festejar e Colá San Jon. Obrigado por toda esta matéria informativa de identificação e um forte abraço meu e da minha mãe. Suelly

Suelly Fonseca                  suellyfonseca17@gmail.com
ººººººººººººººººººººººººººººººººººººººººººººººººººººººººººººº
Comentário:

Zizim, Mês de Junho, de grandes tradições para todos nós, a tua crónica dominical, desta semana, vem mesmo a propósito. Para além de tudo, respigo dela algumas palavras de ordem para o bom desempenho no "Cola San Jon". "...cola na tchã de pentei..." - "...cola nesse pique de Mari d'Aninha..." - "...por boxe n'é nada que bô..." - "...fetcha perna pal ca quebrobe ove...", entre outras, fizeram-me rir até fazer chichi pelas pernas abaixo. Tinha prometido a mim mesmo nunca mais ler as tuas estórias, porque elas têm a habilidade de me cravar a alma de saudade, mas eu não tenho vergonha e estou sempre lá caído!!! Mais uma vez parabéns. Do sempre, Elias

Elias Silva                        elias.silva69@gmail.com

ººººººººººººººººººººººººººººººººººººººººººººººººººººººººººººº
Comentário:

Deixa falar quem quizer mas a nossa terra tem estória para contar que serve para fazer história.Talvez no dia em que deixar de haver casmurrice da parte de certos egoístas poderão tirar as traves dos olhos e compreender toda esta riqueza tanto no conteúdo como na escrita que há muito vens apresentando. Força e coragem sempre irmão.Estamos juntos. Abraço Vicente

VICENTE                    vicente@cvetelcom.cv

ººººººººººººººººººººººººººººººººººººººººººººººººººººººººººººº
Comentário:

Zizim parabéns! Uma crónica ou uma estória bem estruturada ao nível das anteriores com novas motivações sobre o presente. É assim, a história viva do povo Caboverdeano. Obrigado! Mantenha desde cá do exílio

Henrique De Pina Cardoso            hpcardoso@hotmail.com
ººººººººººººººººººººººººººººººººººººººººººººººººººººººººººººº
Comentário:

Hoje não digo, porque só nos deram o parque para sábado dia 26 de junho cá em Orlando-USA. Mas já está tudo combinado "pa nô ba Colá Sr.San Jon revulteode" com tambores navios e tudo como em nossa terra.Estamos preparando os "rosare" e algumas "brinholas" só não dispomos de "bandói" mas temos grogue. Depois mando-te dizer. Em todo caso foi mesmo bom teres escrito sobre as nossas festas para que os nossos jovens fiquem sabendo.Pois logo já vão aproveitar de aprender mais alguma coisa sobre as nossas Ilhas e as nossas gentes graças a ti e tuas estórias sempre instrutuivas. Beijos Yo

Yolanda Dias                     yoldias@aol.fr

ººººººººººººººººººººººººººººººººººººººººººººººººººººººººººººº
Comentário:

Zizim, Há muito que não apareci mas lá vou seguindo sempre com imenso prazer as tuas crónicas já mundialmente conhecidas. Sinceramente digo-te que sempre me espanto com o contar das tradições crioulas, que leio com todo o interesse e atenção. Já por duas vezes nestas duas últimas semanas que me vens agradando com dois destes teus últimos textos, diferente dos outros, sendo este ultimo muito bem adaptado á quadra, é claro.Também fiquei a saber dos festejos nas comunidades caboverdeanas na Europa, que desconhia.Como sempre um bom trabalho pelo que te parabenizo.Grande abraço Noel

Noel Pacheco                noel.pacheco@clix.pt
ººººººººººººººººººººººººººººººººººººººººººººººººººººººººººººº
Comentário:

Oi Zizim de Ti Djô Figuera, Estória ta prop bunzim bem escrite e bem ordenode e tude nós fecá contente.Santa Cruz ma SantAntone é só um abra apetite de festa, pa despôs nô podê ba festejá que força quel Senhor San Jon revulteode lá na Rebera de Julion ma na Porte Nove. Ma mi ess one 'm tita bai festejal é lá na Porte Nove-SantAnton se Deus quizer, quê Zizim bunzim moda bô é, já bô quentame sangue hum.Nhas mantenha Guey

Miguel M.Monteiro                   mucimdereberabote@yahoo.com.br
ººººººººººººººººººººººººººººººººººººººººººººººººººººººººººººº
Comentário:

Bravo Zizim Figuera, Boa estória bem instrutiva.Pois fiquei a saber de muita coisa.Tens me siderado como sempre mas em especial nestes dois últimos domingos Que a Força seja contigo e um bom Astral

Pedro Brito    
                piducabrito68@hotmail.com
ººººººººººººººººººººººººººººººººººººººººººººººººººººººººººººº
Comentário:

Mon Très Cher Zizim,Que força nesta estória.Olha que o saber não ocupa lugar e a gente não acaba de aprender neste.Nasci cá em França frequentei escola portuguesa mas sou cabo-verdiana até morrer.E com estas estórias reforço-me cada vez mais na minha identidade de cabo-verdeana que por nada troco sobre a Terra. Um beijo e bom domingo Anny

Anniette Dodon               anniette.dodon@free.fr
ººººººººººººººººººººººººººººººººººººººººººººººººººººººººººººº
Comentário:

Carissimo, como sempre excelente e igual a Ti mesmo. FORCA e saude sempre. Aproveito para informar que a RCV no seu programa desta manha fez uma divulgacao muito digna do artigo, portanto a Radio Nacional também está de parabens pela excente divulgacao.

É desse manera lissim que nôs pove ta ba ta passá quel mensaja forte de nôs Tradiçon e Cultura, na tude sê extenson e simplicidade, pa otes pove espaiode pa esse munde fora e ranjá manera pa completá tude quel traboie, na cuntinuidade e linha de Cesária Évora, Lura, Sara Tavares e tude nôs Artista, Poetas, Scritores, Músecos, Compositores e tude quês otes que tita bem pa trás e cuntinua ta fazê conchê nôs Cab-Verd. Quê tempe ta mudá, gente ta evoluí e geraçon ta cuntinuá ta bá ta passá na tempe e na espace e ta sucedê GERAÇON…

Lídio de Silva                   desilva.lidio@gmail.com

ººººººººººººººººººººººººººººººººººººººººººººººººººººººººººººº

V O L T A R