M’ TEM NHA PLIÇA FAZE’M JUSTIÇA

Prublema é que Rite tinha ote piquena que tava lá naquel boie, quês tava conchê diazá. Ma Rite, sê boca ca tava lá, el trá sê terçado el fincal na porta e lá el pundrá sê boné de pliça. Quitéria tava ta bem ta passá, el fecthá sê cumpanher oie, el riscá. Enton, el ma Quite sei ta bai num dançar remexide, colode bem colode na son de más um coladera, siguide depôs duns dôs murninha, quê já era quaz madrugada

Quitéria, naquel sóbede de primer tarde de Carnaval tava c’um ligria trançode dum esparate, bestide aquel bestidin brónc d’organdi fluride, comprode lá na Loja de Tchitcha, sainha larga fazê balão, pa sê primer boie de Cavalinha Branca lá na Tubarão.

Basta, quel dia ninguém ca tava ta podê quel, quê pa ela era um dia mute especial, pamode era dia de sês dezoite one, dia de sê liberdade. E, pa primer vez de sê vida qu’um grupe tava ta cuvedal boie de Carnaval, ela, de nium manera, sô se Deus ca quizesse, ca pudia falhá nem faltá um tal contecimente.

Na época, pê de cabel ê que tava na moda p’amdjer firmode e confirmode daquel tempe e, cma tê quel dia lassim que Deus dal, ela tinha side sempre mnininha obidienta, a partir daquel data de sês dezoite one, moda tive de contecê ma tude sês culiguinha, cosa tinha que mudá também pa ela, na tude sê extenson e dimenson de sê vida.

Enton, ela cambá Barbaria de Ti Place lá na rua de San Jon, fazê sê pê de cabel, pal podia depôs saí t’exibil pal firmaba assim sê maior idade d’amdjer e senhora de sê nariz que também jal era. Sô que tê lá, diferença que tinha entre ela ma alguns de sês amiga ê qu’ela inda era mnina nova, deboxe de saia de sê mãe, tê que namorode, tê hoje s’ela tinha cunchide.

Tude quês one na Escola d’ Custura lá na Dona Maria Amélia na rua de Sant’Antone (rua de Matijim) sirvil tcheu, pal trabiá pa sê vida, ijdá casa e fazê sês icnumia qu’ela gordá tude quel tempe, pa quel dia bem especial de sê existença, qu’ela tinha passode ta senhá tude quês one de vida.

Na casa, sê mãe moda tude mãe, ca tinha brincadera qu’ela, ma sê pai era um home de rigor, criode na rigor, assim el tava exagerá na educaçon de fidje. E, quel cosa ê que ta tinha Quitéria ta vivê ingustiode, quê ela ca tinha direite nem de espiá rapazim na cara, quontamá de falá ma ês.

Portante, ela era um escurinha bnitinha traçode a canivete, ma que ca tava dá ninguém tempe de tchegá perte dela, quê ela tava andá sempre ta corré. Era saí de traboie de custura lá d’alfaiate Nhô Lilim, na rua Senador Vera Cruz, cambá casa pa depressa ta corrê, quê sê mãe Yuque c’mede de Pá Lela, já tava estode na janela diazá ta goital somá lá longe pal pudia siguil, tê tchegá na casa.

Mucim de sê rua, ca tava oial nem na janela de sê casa, nem na rua e quonde tava ba fazide mandode na sês casa, pai é que tava bem sempre abri porta.De manera que pa ela, quel cosa fui um data d’one dum vida socornode nem freira num convente, sende ela assim um mnininha que fui sempre mute drete, sem storia nem prublema.

Quite (numinha d’mizade), também tinha direite de sonhá moda tude mnininha, inda más ta sinti idade ta bem t’entral na corpe, ela vrá log resolvida, tive té de fazê um promessa n’alguém de tmá sê liberdade c’sê mon, na dia de sês dezoite one.

Assim fui, quê bem contecê que sês culiguinha de traboie, mute dês já mnina calcode, que sabia de sê aniversárie, sem dzel nada, proveitá log pa metel na sês tcholda de grupe de Carnaval, ondê que sei log sê cunvite e, pa cuincidença naquel dia bem especial.

De note bem ta fetchá e moda jal tinha dzide sê mãe, cma era dia de sês dezoite one, ela sende maior, jás tinha el cuvdode pa primer vez, um boie de Carnaval lá na Tubarão (na camin de Djidsal e Wilson), inda más naquel dia de sês one e que jal tava tude pronte pa el.

Mãe, cunvincide inda dal uns consei, ma Pá Lela zarode mau dmunde, ca queris sabê nem uvi falá. Enton, sê tiu Djunguinha mas cumprindide ê que bá cumpanhal tê sala de boie e dexál bem recomendode na Candin sês vezim, pa tmasse bem conta dela e de volta, pa trazel pa casa ora que boie cabasse.

Ma, cosa de Munde é moda el é e, ninguém ta cunsigui mudá face de cosa que ta pa ser, quê as vez bodzê jal ta estode tude escrite e bem escrite, na nôs grande livre de VIDA.

Enton, era naquel tempe, quonde Esquadra de Pliça era na rua de San Jon, lá ondê qu’um vez fui Obras Publicas e hoje Centre de Viaçon pa trá carta de chauffer, em que chefe era Nhô José Mendes, segundode pa Nhô Manê Gêjar siguide pa Nhô Manê Sumenhon, Antone Grigola, Lela de Monte corneter, Biurim (mauzim, home de sê chicote), 14 (quatorze) ma 18 (dezoite), dôs pliça que nunca ninguém sube sês nome ma tude gente tava conchês pa ser lixode. Ês tude, home que tava fazê sês traboie de pliça dritim e era bem respeitode pa tude gente d’Ilha de Monte Cara.

Ma, pa trás dês Pliça de Velha Guarda, já tava ta bem ote Scola de Pliça ta formá, também mute respeitode pa sês comportamente, prindide ma quês más bedje de tempe de Nhô Mané Gêjar que na sês momente de raiba tava custumá dzê:

- SE VOSSOS PAIS NÂO VOS EDOCA? EU VOS EDOCA A MANDOCA!

Ês moce Pliça, também já tava fazê sês bom traboie na via pública, ronda a pé de note, sempre pronte pa intervi quonde tava tchmode ês, na lugar de espetacle, sala de boie e más más cosa. Era ês: Jardim, Emidio Barreto, Dantas, Rite, Lantcha, Grama, Raspa, Nhô Bernolde, Bubista, Bente, Fêl’s, Adalberte etc…etc.

Enton bem contecê, que naquel note de boie popular, fui mandode Rite pliça ma Dantas (dôs cumpade) de service, pa quel entrada de porta de sala de boie la na Tubarão, perte de Djidsal.

Quel sala era lugar de respeite, quê Lulu Barbinha ca tava imprestá tude gente el, senon sende gente quel tava conchê, pa ca ranjaba stora e evitá pliça de mandá fetchal el..

Assim quel one, pa Carnaval, el imprestaba sê sala de boie naquel grupim de mnininha ma mucim na flor d’idade, que saíba sô quel one lassim, por nome de Grupe de Cavalinha Branca, nome que fecá na stora de Soncente e que depôs fui mudode. Ma quel nome fecá pa sempre gravode na voz de pove, quê tude vez que tava tem boie lá, log tava dzide cma: - hoje tem Boie de Cavalinha Branca lá na Tubarão! Porquê? Ninguém ca sabé?!

Grupim bem ta tchegá pa sês festa de Grupe, naquel sóbede de Carnaval, ês armá um mesa bem forte, quê cada um tinha dode sê tonte. Mnininha tinha dode bole, ma pastel, carre assode, e rapazim tinha levode coca-cola ma limonada. Mesa foi tão forte, que dia dmingue datarde ês fazé tê Sambrás, pa bá cabasse de cmê tude du que tinha fecode.

Boie cumeçá c’museca repicode um trás d’ote p’orquesta de Bitú, Ude, Marcel, Ti Goy, Ti Fefa ma Jack Estrilinha c’aquel coladera que tava na moda de:

- Oh Tota fazem parte… Pa nha sainha fazê balão… M’ ta dobe pa dreita um ta dobe pa esquerda pa nha calçinha podê parcê.

Basta, era um prazer oiá Quite, na sê bestidim brónc d’organdi ta dançá. Ela ê que era rainha de boie, quê tude quês moce cada um sê vez, tava ta trá um pernada ma ela e, assim ela ca tava c’tempe de sebi cuscus.

Sr.Rite pliça, que ca tinha tmode fê dela mode service quel tava ta fazé na porta de sala de boie, de vez inquante tava fecá ta pensá ondê quel tinha oiode quel mnininha?! Ma, el ca tinha hipotse de conchel quê quel lá era sê primer boie. Quite, por uns dôs vez, lança Rite um rabada que sês oie prete d’uva madure, quaz que Rite vrá dode, quonde el tmá fê.

Enton, el bá ter de Dantas sê colega, el dzel cma jal tava quaz na fim de sê hora de traboie, pal facilital, pal podia trá um perna de boie ma quel deuzinha caide de céu. Dantas pliça más bedje, dzel pal tmasse cuidode quê inda el tinha quinze minute e quês pudia pesá tcheu na balança de sê vida future se ronda passaba, moda era custume.

Prublema é que Rite tinha ote piquena que tava lá naquel boie, quês tava conchê diazá. Ma Rite, sê boca ca tava lá, el trá sê terçado el fincal na porta e lá el pundrá sê boné de pliça. Quitéria tava ta bem ta passá, el fecthá sê cumpanher oie, el riscá. Enton, el ma Quite sei ta bai num dançar remexide, colode bem colode na son de más um coladera, siguide depôs duns dôs murninha, quê já era quaz madrugada.

Ambiente tava prop sabim e Rite já ca largal pa quel ristin, quê Quite também tava ta dal um bola de matá. Ma, quel situaçon ca pudia durá e criá log um ambiente de ciúmes na corpe de Mari Puldina, quel antiga amiga de Rite, qu’el ca tava nem custumá ligá.

Enton Mari Puldina, estalode nem catchorre na guerra pa Candin que tanbém tava chei de ciúmes, bem da la de sê conte sanhada, vassalada, betá Quite mon na sê bestidin d’organdi olve de brónc a flôr, el ratchal el pa diante, derriba pra boche. Quite, mnininha nova na dia de sês dezoite one, pa bá contecel um cosa daquel?! Senhor Deus oh que vergonha! Basta ela que ca tava nem cunchê quel tal Mari Puldina, espantode sem experiença de vida, ca sube nem reagi.

Na mei daquel confuson ma grite, bem log Lulu, done de sala de boie que ca tava gostá de storia, ma Dantas pliça e Rite que bem log ta corré, recuperá quel terçado ma sê bonê e ta procurá calma jogue. Tude gente ta procurá sabê du que tinha passode qu’orquesta parode, quê Lulu mandá log pará c’museca.

Sô Mari Puldina, na sê delire de ciúmes é que tava pra lá ta desbaratá ta pô quel cuitadinha de Quitéria, du que Juda ca pô Criste. Lulu, log mandal pa calá boca quê ela ca tinha razon.

Enton Rite pliça, fazê du qu’el ca divia ter fete, el bem ta tchegá perte de Quitéria, que tinha el blide na cabeça quel note, diante de Mari Puldina. Mari Puldina ote vez num crise de raiba torná saltá pa bá agredi Quite, ma Rite metê na mei e ca dexá Mari Puldina nem tchegá na Quitéria. Enton, Quite vrá dzê pa Mari Puldina:

- Oh mnina quaz bô ta doida! Apôs, mi ma esse moce n’ê nada!

Mari Puldina, sempre vassalada e cega de ciúmes, quê ela na sê sentimente d’amdjer tinha cumprindide dritim du que tinha passode entre a quês dôs criatura la naquel sala de boie naquel note.

Enton, um bocode desconsolada, chei de dúveda, ela vrá pa Quitéria, el dzel:

- Ah, bsote n’é nada?!. Enton tmá cuidode quê Rite é quê NHA PLIÇA FAZE’M JUSTIÇA! E, Quite, pa ca fecá por boche na sê orgui d’amdjer, vrá dal sê resposta diante de tude gente:

- Ah, BÔ TEM BÔ PLIÇA FAZE’B JUSTIÇA?!... AIAI JA’M TEM TAMBÉM!!! Enton, Rite sem gaguejá, betá Quite mon, el sei ta bai tude bajofe que sê grande cunquista daquel note.

Sr.Bitú (unha de piriquite) tocador, que tava lá ta sisti tude quel stora, betá mon na sê bantche, cumpanhode pa Marcel de Canalim na cavaquim e tude sês cumpanher, log quel hora mesme ês vrá quel stora um museca que durante tcheu tempe fazê felicidade de tude sala de boie de MINDELO, na ritme daquel coladera:

M’ TEM NHA PLIÇA... FAZE’M JUSTIÇA... AIAI M’ TEM TAMBÉM!!!

Zizim Figuera ( José Figueira,junior)

V O L T A R


Comentário:

Obrigado Zizim . Um abraço e saúde da boa são os meus votos para ti. E que continues com estas magníficas estórias crioulas do nosso Cabo Verde. Mantenha desde cá do exílio

Henrique De Pina Cardoso           hpcardoso@mail.telepac.pt


Comentário:

Antes de mais muita saúde e força para continuar . Como sempre adorei a crónica . Um abraço e até domingo .

Gabriela Amado Silva                 gabybamado@hotmail.com


Comentário:

Esta Storia eh deliciosa! De ha varios anos a esta parte venho lendo as Storias do Zizim Figueira com sentimentos que vao da ternura ao riso ou da comocao a revolta, passando sempre por um aprender permanente sobre o Mindelo de outrora. Tenho naturalmente as minhas preferencias, ditadas sobretudo pela minha forma de estar na vida. A Rosa Crucundinha e Todo o ctachorre tem se sexta fera tem um lugar especial nas minhas preferencias, mas a rainha das Storias do Zizim e aquela a que eu chamo "A Storia da Menina do Policia". Em que aqui, assistimos como que ao crescer de uma menininha, esforcada, trabalhadeira, filha de um pai controlador e pouco compreensivo, que vai despertando para a sua juventude e independencia como mulher culminando por fazer uma escolha clara e distinta e marcar o seu querer com veemencia quando a hora chegou. Mau grado a repressao dos seus anseios de jovem durante os anos de adolescencia, pelo pai que atendia a porta, quando sonhava que algum rapazinho queria aproveitar um mandado para a ver de perto. A Quite vai crescendo ante os nossos olhos nesta Storia, dando corpo aos seus anseios, embelezando se para agradar (que eh desejo ultimo de todos nos, afinal) e pronunciando se vencedora quando chegou a hora de disputar a sorte. Ah.... quem nao quer que se lhe faca justica??? Nao precisa ser um policia.... Zizim tudo de bom talento e saude para as estorias da gente que se apresenta diante dos nossos olhos como alguem tao proximo eh o que desejo sempre. Um bom dia de Domingo.Abraço Herminia

Herminia Ferreira                     herminiaferreira@gmail.com


Comentário:

Dear Zizim, Ai vão as nossas saudações habituais cá de Sidney onde fiélmente todos os domingos procedemos a leitrua em comum das tuas sobercbas crónicas. Esta é sem duvida uma das melhores que tanto adultos como jovens soubemso apreciar, na medida em que ela traduz o verdadeiro modo de vida das moçinhas da nossa terra de outrora de pais severos que nem diálogo havia. Forte abraço Terncio

Terencio Lopes                 terencio.lopes@yahoo.com.br


Larry de Pina LPINA1@tampabay.rr.com
Gostei: Muito Concordo: Plenamente
Comentário:
Meu acro Djô Figueira, Gostei meui de falar contigo ontem por telefone. Hoje acabei de ler esssa linda storia sempre cheia de gente que bem conheci e que fizeram parate da nossa vida são vicentina. Força irmão e muita saúde. Teu broda Lili


Comentário:

Zizim, Esta está mesmo boa e foi lida á volta de uma cuscujada em casa do nosso amigo Adolfo. A estória foi muito apreciada e ouve muitas poerguntas e comentarios explicativos que fazem sempre o espanto dos nossos mais jovens. Abraço Yo

Yolanda Dias                 yoldias@aol.com


Comentário:

Toda gente um momento dado obta pela sua liberdade e ali na tua estória Quitèria começou pelo "pê de cabel", uma linda expressão que já nem me lembrava, e depois seguiu a sua vida. Estória escrita com muito tacto e bem elaborada tanto no contexto como no conteúdo. Força amigo.Continua. Um abraço Péricles

Péricles dos Santos                periclesantos@yahoo.com.br


Comentário:

Sr.Zizim, Hoje essa sua magnifica estória transportou toda a familia para aquele "Soncente dum vez". A maior parte das pessoas eram conhecidas dos meus pais que bem conheceram a estória da Quitéria. Você não acaba de me siderar e de ficar cada vez mais apaixonada pela minha terra São Vicente. Um abraço nosso Gilda

Gilda Barbosa Leite gildableite@gmail.com


Comentário:

Zizim de Ti Djô Figuera, Um sturinha sabim sô de gente sabim num ambiente daquel Soncente prop sabim dum vez. Thanks nha broda pa mas ess delicia. Mantenha de nôs tude Guey

Miguel M.Monteiro mucimdereberabote@gmail.com


Comentário:

Caro Zizim, Esta está excelnte e cá estou para te parabenizar pela tua rica memória. Pois me fazes lembrar de coisas que já me tinha esquecido completamente. Recordar é viver e tens toda a razão. Espero ver tudo isso brevemente no teu livro que ouvi dizer sairá em setembro. Forte abraço Sivi

Sivi Almeida SAlmeida@aol.com


Comentário:

E de se realcar a realidade, ora vivida. Na nossa sociedade, nomeadamente a Saovicentina, com os seus famosos bailes de carnaval, e outras manifestacao cultural da Ilha. Mui excelente "Storia", por nosso amavel, amigo e irmao Zizim 100% Caboverdiano. Um grande abraco, desde Atlanta. Muita saude brother...

L.Martins lada66pr@yahoo.com

V O L T A R