NHÔ AMBROZE - SONCENTE E HISTÓRIA DUM PRIMER REVULÇON

Já naquês tempe antigue de povoamente d’Ilhas de Cab Verd, tava levantode problema se nôs Ilhas divia ser ô não povuode,pamode sês posiçon geográfeca, que nôs tude sabê, na zona de Sahel, linha de vente séc (Harmatão) binde de nordeste de deserte de Sahara e poc passaja d’humidade binde de leste pa oeste de continente africane, pamode quel macice de Fouta Djalon situode na área de Guinê (René Dumont) que sempre condenone a um cicle de regime sec sem tchuva, ás vez pa tcheu one.

Assim, pamode ês tal posiçon geográfeca de Cab Verd na mapa de munde, nô tive sempre na época grandes prublema de seca que levone tê crise de fome na terra que tchegá temá conta de tude nôs Ilha, sobretude, na ônes trinta, ondê que seca fui valente e, português antigue pove colonizador, nunca pude vencel e dzide tê cma ês procurá fui ignoral e bandonone na nôs triste sorte daquel sina de FOME.

Aliás Luis Romano, na sê livre “Famintos”ta relatá, cum grande força e sentimente de tristeza, tude quel situaçon de desgraça e sofrimente dum pove que foi bandônode na sê sorte, sobretude, naquês Ilha más agricula moda SanAnton, S.Ninclau e SanTiago.

Cma na vida ca tem causa sem efeite, enton na dia 4 de Junhe de 1934, pove de Soncente forte de promessa invão, de telegrama redigide na CMSV de tempe dum Presidente tchmode Sr. Borja (extraide de livre A Minha Vida de Donald Wahnon) que também era empregode d’Alfandega, ta pedi ajuda especial e rapte na governe mode problema de fome na terra.Pove c’fome na barriga ca queris sabê nem esperá pa más, log ês rancá c’sês bandera prête e sês primer grite d’Ypiranga.

Tude ês cosa cumeçá, moda tcheu gente antigue moda Nhô Pitra ma Nha Julia de Tine qu’um conchê de perte tchegá de contame. Já tinha uns dia c’aquel Bandera Prête tava estode ta parcê ta gorgoloteá na vente lá derriba na rotcha d’Olte Solarine, tê que naquel dia plumanhã de mês de Junhe, foi quel confirmaçon, sem inda mute gente sabê qsê c’aquel Grande Bandera Prête queria dzê.

Depôs, Bandera Prête de Fome foi rancode e dexi d’Olte Solarine pa Rebera Bote, ondê que valente e resolvide Capton Ambroze, na principe, seguide sô p’alguns pessoa c’sês Bandera na mon,bem ta dexi decidide,pa morada direçon Cambra Municipal sempre ta gritá: - FOME... FOME… FOME...

Pove poc a poc bai ta ganhá cunfiança e, pô ta sigui Nhô Ambrôze. Derapente, quel meia duzia de gente, vrá centena e cuntinuá t’ingrossá tê vrá mil e assim dês manera revulçon fui lançode. Enton, p’onze hora de plumanhã, home c’amdjer juntode, tchegá na morada c’força, decidide a resolvê sês grave prublema, que n´era nem más, nem menes du que “Fome na Barriga de Criston”.

Ondê que naquel dia, naquel momente, e naquel hora, Nhô Ambrôze (Capitão Ambrósio) moda ta rezá quel poema de nôs grande e falecide poeta Gabriel Mariano, podia senhá ô pensá cma um dia pamode tal tmada de posiçon, el tava não sô passá ta fazê parte de História de Cab Verd, cma também ta ser primer “Home” revolcionare de nôs terra Soncente e, um motivador num futur não mute longe de Liberdade de tude um Pove sofredor que sempre vivê sô de promessa ma de esperança.

Nhô Ambrôze na tude sê simplicidade de carpinter quel era na época, home bastante humilde e honeste que tava ganhá sê vida c’grande dficuldade, quê traboi era poc, cunsigui c’aquel revoluçon, mostrá pove naquel tempe, e de certeza escontra sê vontade, cma Soncente já era um placa tornante de tude decison politca de nôs Républica de Cab Verd.

Depôs de tcheu tentativa de fazê tchegá n’uvide de quem de direite, tude reclamaçon ma quexa que tava fazê parte de miséria colective de tude quel pove e, cma depôs ca tive sucesse, enton Nhô Ambrôze cumeçá ta falá daquel situaçon de miséria, ma tude sês compatriota quel pude, moda num espece de consciensalizaçon de massa. E, num de sês descurse escrite na livre “Mindelo D’Outrora” de Senhor Nena, aliás (Manuel Nascimento Ramos), slogan popular de Nhô Ambrôze, quel espaiá pa rua de Soncente era simples:

- Bocês Cmê Onte ma Onteonte? Resposta de Pove: - Não e Nô Ta C’ Fome!!!

- Bocês tem trabaiode? Resposta de Pove: - Diazá Nô Ca Trabaiá Pa quê, Nô ta Bandonode!!!

Exe triste palavra, tive log um forte impacte na mei daquel massa popular que levantá Bandera Prête de Fome no ar e rancá dalá c’aquel primer revulçon de história de Cab Verd, cum pove completamente desinfriode ta gritá:

- Nô bai, nô bai, nô ba ranjá cmida, c’nôs mon, pa nô dá nôs fidje pas cmê! Quê, exe gente grande de terra ta tude de barriga chei e ês tita marimbá na nôs!

Orda cuntinuá ta passá de boca pa boca, Pove cada vêz más tcheu na ruas de Mindelo. Depôs, tude quel massa popular rumá pa armazem d’Alfandega que fui mitide porta dentre pa força de pove e, ês num fúria de matá num grite de ULI MIDJE, invadi e pô ta esvaziá quel armazem de tude o que la dentre tinha e podia tem pas podia panhá moda: - açucra, midje, cevada, fejon, farinha de trigue, batata, banha, mantega azete, etc.etc..., quê naquel momente de revolta lassim lá ca tinha nem rei, nem roque.

Dês manera, cmida cumeçá log ta parcê pa tude banda na rua de tchon de Soncente. Naquel momente, era um ratchar de sóc, mnine c’gente grande juntode, cada um tava bem c’sês caneca, bolsa e tude o quês tava podê intchi pas levasse de cmida pa casa, quê na terra já ca tinha pobreza, ma sim miséria que já tava bem instalode na nôs Ilha.

Na mei de tude quel alvoroce, pove mostraba também sê lode bom de sempre, quê ês tava sirvi e levá pa casa, pas partilhá ma gente bedje e doente que ca tava podê partecipá naquel revolta. Naquel depressa, mute cmida fui levode e interrode la naquês areia de Tchã de Bombardera ma Lombe de Tanque.

 

E revulçon cuntinuá, quê pove depôs d’Alfandega ba rombá armazem de Nhô Alfrede Miranda ma Joaquim Branco na rua de Côque, mas cunchide pa Nhô Bronque. Nhô Bronque, ba tentá estorvá pove d’entrá na sê armazem, ês dal cum pau na cabeça dá ratchá, el fui log levode pa Spital d’urgença.

Bonança cuntinuá na Pove, e lá ca tinha vindida nem comprada nada naquel momente, quê alvaroce era tão grande e quel Pove excitode só sabia gritá: - Moia... moia, bsote bem quê ês cosa ê moia pa tude gente!

Ma, moda num qualquer Revulçon nem tude cosa sempre foi rosa, sobretude naquel dia lassim. Quê depôs, bem quel grande ressaca de pliça de estaçon ma tropa de cortel (Fortim D’El Rei) que bem parcê e foi lá que cosa piorá, quonde Antone Grigola (pliça) qu’inda ‘m conché, mataba um mnine, sem querê, que ponta de sê baioneta quel tinha imbaínhode na cone daquêl sê espingarda antigue Lienfield, lá na ponta d’esquina de Loja de Nhô Alfrede Miranda.

Tropa bem da lá de Fortim d’El Rei, ondê q’era cortel militar, comandode pum tal sargente Ribeiro. Ês cumeçaba, pa trá tir pu’ar, depôs c’intençon de traba na Pove. Ma, foi lá, ê que bem parcê, Senhor Dator Regala, que dá tropa orda de dispersá, basse embora e entrasse pa cortel, geste esse que salvá quel pove assim dum verdader bonhe de sangue ô masscre.

Dator Regala, home de bem, querido de Pove, quel dia lassim, também fecá na História de nôs terra, quê el era contra violência e amigue de sê Pove.

Assim, cma naquel dia el salvaba Pove daquel massacre que tropa podia ter fête, el pediba tmabém sê pove, pas ca mataba Rufino qu’era chefe de pliça na época (moda ês contame) que pove já tinha cumeçode ta dal de pedra, dexode el la pa tchon tude cuberte de sangue e quaz mei morte. Enton, quel pove uvi c’Dr. Regala e ês pará log de dá Rufino de pedra, o que foi sê salvaçon.

Inda mi n’era nascide, quê um bem pa ês munde sô na 1939, ma sempre na nha curiusidade, m’ tava uvi nha tia avó Zia ô Nha Julia Martina, mas cunchide pa Nha Julia de Tine, contá c’grande orgulhe, emoçon e admiraçon Stora daquel Revoluçon fete pa Nhô Ambrôze, quel home corajose que cunsigui pô Soncente em pese, na muvimente.

La pa d’nutinha, pove calmá e cumeçá t’entrá pa casa devagarin e, assim durante tcheu tempe na Cab Verd tude inter foi mandode mantenha na carta e ca tava falode n’ôte cosa, senon sende na Revulçon de Nhô Ambrôze.

Atitude mas heróico dês Revulçon, ê que pove sube cma Nhô Ambrôze quel home honrode e modeste, tinha entrode pa casa na fim moda tude gente, ma que mon baziu sem nada sequer ter levode daquês armazem que fui rombode pa pove, quê pa el, sê principal priocupaçon era dirigi quel revolta pal podia oiá sê Pove feliz, e assim foi.

Enton quel Pove, num geste de solidariedade, bá tê sê casa leval sê parte que fui nada más nada menes qu’um pacote de café. C’aquel pacote de café quês leval, el vendel e enton el pude comprá um bocode de carre salgode, quel fecá ta pô, algum tempe, na sê catchupa. Quê dvera dvera, moda voz de pove ta dzê: - Pum Catchorre Ingordá, Um Burre Há De Morrê!

E, cma na tude Revulçon, tem sempre quel parte gloriose e triste d’história, nô ca podê de nium manera,dexá de falá de tude ês, quê ês ta fazê parte d’História.

Assim, mandode de Praia (capital) pa governe portugês, tchegaba na Soncente um admistrador de concelhe (d’época colonial), um tenente de nome Raul Duarte Silva,cumpanhode de tropa, c’orda especial pa esmagá e rabentá c’tude quel açon popular. Em vez de cmida pa pove, ês trazel foi “pau”, quê log ês cumeçá ta prendé um por um, tude quês gente qu’era cabeça de Revulçon de Nhô Ambrôze pa julgás e ês era:

- Nhô Ambrôze, Serafim, Arlindo, Manuel Gamboa, Muxim de Pina, Jon Penose e Eustáquio etc., De tude ês grupe, uns despôs de julgamente e sem ter repindide, fui deportode pa Ilhas de Sal ma Boavista.

Nhô Ambrôze e tcheu de sês cumpanher, fui quaz tude deportode p’Angola, ondê qu’alguns dês tê morrê pra lá. Ma Nhô Ambrôze, el cunsigui inda voltá pa Soncente, depôs dum amnistia geral dode pa governe português na época.

Natural de SanAnton, “Capton” Ambroze, morrê na Soncente, dia 25 d’Outubre de 1946, pa 11h30, na sê casa lá na Rebera Bote, c’idade de 68 one.

Ês grupe d’home honeste e corajose que naquel tempe, desesperode pamode problema de”Fome” (quê fome ca tem oie) que já tive coraja de desafiá quel regime colonial fascista que já tava ixisti, ta merecê tude respeite, admiraçon e compreenson de tude geraçon confundide de nôs terra e pa tude tempe na História de Vida Cab Verd.

E, pa guardal na nôs mimória ma na nôs coraçon, Nhô Ambroze, fecá c’sê nome gravode pa sempre num placa inaugurode c’tude honra na dia 5 (cinque) de Julhe, dia d’Independência Nacional, la na tchon de Soncente, naquel avenida que ta bai de Praça de Dator Regala, tê funde de Rebera Bote, ondê que partiba c’aquel primer Revulçon de Vida de Cab Verd, chefiode pa “Capton” Ambroze.


ZIZIM FIGUERA (José Figueira, júnior)

V O L T A R


Comentário:

Nôs Zizim, Hoje a nossa turma crioula-australiana se regalou cá em Sidney com esta séria e bem elaborada estória que enaltece e valoriza bem o potencial do homem cabo-verdiano nas suas acções. Em especial,nesse caso de figura o do santantonense/sãovicentino Nhô Ambroze que tive ocasião ainda de o conhecer pessoalmente quando regressou d'Angola. Isso é história meu Zizim, que acho ficará para sempre registado nos anais da nossa História de Cabo Verde. Os nossos jovens (filhos e netos) hoje graças a ti não perderam a nossa lingua cabo-verdiana. Pois ja a leem e escrevem na sem o minimo sobressalto e isso é ótimo para nós de Barlavento ou Ilhas do Norte como hoje se diz hoje em dia graças a breve Regionalização cujo os textos temos seguido com muita atenção e aprovamos. Um obrigadissmo da parte de todos e até próximo domingo. Fraterno abraço Terencio

Terencio Lopes                     terenciolopes@yahoo.com.au


Comentário:

Oh... ( Irmao das nossas comunidades) Este legendàrio cabo-verdiano , (Nhô Ambroze ) Uma das tuas belas e verdadeiras estorias do nosso Mindêlo, dos anos trinta a respeito desse grande homem que fomentou uma manifestaçao nas ruas de Mindêlo grintando ; ( crise crise ) pois havia fome naquele periodo em cabo Verde . Apos terem envadido as alfândegas , resolveram envadir também os armazéns dos comerciantes tais como ; a casa Miranda , Nhô Bronque na rua de côque ,- como dissestes - razao pela qual o nosso heroi (Nhô Ambroze) foi responder no tribunal . Quando o juiz lhe perguntou se êle tinha " cumplices " nesta manifestaçao , o " nosso heroi " respondeu categoricamente ; Nao Senhor Juiz , - Deitei , pensei, levantei e fazei ) !..Ele nao sabia ler , nao sabia escrever pois mal nabia falar corretamente o português ; claro que êle teve " um conselheiro " mas que jurou nao o compremeter . Dizem que a pessoa que o aconselhou foi a mesma pessoa que o ensinou a dizer essas palavras em português no tribunal ; Segundo a historia essa pessoa ... foi o Dr. " Rosinha " !.. Linda e verdadeira estoria , ( Irmao das nossas comunidades ) !.Aquele abraço d'Um Criol na Frânça ; Morgadinho !..

Joaquim ALMEIDA                    soalmeida@free.fr


Comentário:

Entre os livros consultados por ti e que também conheço, achei nobre a tua atitude de apraesentá~los, pois ainda há muita gente que não sabe mas agora graças á tua sintetização bem elaborada desse maravilhoso texto, ficarão a saber " un plus" sobre o ciclo das secas cabo-verdianas, em que a água foi sempre o nosso eterno problema. O histórico sobre a Revolução de Nhô Ambroze está perfeitissimo. Fizeste um bom trabalho pelo que te felicito. Recebe um robusto abraço do amigo Chico

Francisco F.da Graça                  franfdagraça@gmail.com


Comentário:

Amigo Zizim, Essa estória está "um verdader pápa c'lete" sobretudo através do teu dom da pena de que te tens revelado na nossa lingua cabo-verdaiana. A nossa Rebera Bote ficou célebre com o Capitão Ambrósio e sus Bandeira Negra Da Fomme... O poema do nosso gande poeta Gabriel Mariano é lindo exalta bem o homem. Parbens por mais esta que acho tiveste o cuidado de bem elaborar. Abraço do amigo Vasco

Vasco Brito                     vbrito@gmail.com


Comentário:

Cordiais saudações daqui do Guaritiba-Brasil, Zizim meu amigo de infância tu não acabas de me espantar com os teus textos que fazem a nossa alegria dos domingos aqui nesta canto perdido do mundo tão longe da nossa terra.Tanto o texto como o tema estão excelentes e muito elucidativos sobretudo para essa maltinha de jovens que cá temos. Adorei a estória que embora conhecesse me enriqueceu de seus detalhes. Um grande abraço e inté. Netty

Netty Duarte                    nettyduarte@yahoo.com.br


Comentário:

Colê criol que ca podê admirá denuncia dum sturinha desse, pa nôs Zizim que ta traduzi c'força tude quel realide de "barriga intchode de fome" moda nha avó tava contone lá na casa quonde nô beba de SaNinclau. Moreba tcheu gente que infelizmente foi condenode a fecá na terra. Ubrigada Zizim, tude ês cosa ê bem triste ma foi mesme assim. Braça Julio

J . CABRAL                 jcabral@hotmail.it


Comentário:

Parabéns pela melhoria desta estória sobre nhô Ambroze, Zizim. Nunca é demais relê-la e meditar sobre o seu gesto heróico e sobre a solidariedade da nossa gente. Um grande abraço

Adriano Miranda Lima


Comentário:

como é que se escreve nascimento em ALUPEC? DESCULPEM-ME A CURIOSIDADE. SOBRE O TEXTO NAO ME PRONUNCIO. ja enviei a segunda parte por 3 vezes no caso do crioulo alupec (marsiano)e ainda nao publicaram. nao entendo. estou sentado e a observar o panorama.

jr                 joserui66@hotmail.com


Comentário:

Senhor Zezim, parabéns pela sua coluna. Suave de ler e de um aprendizado magnífico. Ami é badio má 'nca tem nenhum problema pa 'ntendi 'scrita di nhó. Máss... Alupec di nhas patricios badio ta dá custo 'ntendi. Nhu sta di parabéns! Um admirador na diápora, Eugénio Delgado neto Antoninho Padinho.

Eugénio Delgado               ordel@hotmail.com


Comentário:

Zizim de Ti Djô figuera, Fizeste um relato muito bom desta historia bem nossa com o Capitão Ambrósio comandando o povo de Rebera Bote direção Camara Municipal depois Alfandega e outros armazens do nosso querido Mindelo. Hoje por cá mas não há homens daquela tempera embora não haja trabalho e muita pobreza que dantes se dizia envergonhada mas hoje não. Me lembro da minha avó a contar sobre a gente de bariga inchada pela fome que vinham de São Nicolau e de Santo Antão graças ás mãos estendidas de familias que vivam por cá me S.Vicente. De toda maneira foi uma catastrofe que nos abrangiu a todos os cabo vedianos de bom senso, no tempo e no espaço. Prova é que aí nestás nos relembrando de tudo isso com trsiteza certo mas muita huamnidade tal que semre tye conheci. Manteha de malta . Quel braça. Guey

Miguel M.Monteiro                mucindereberabote@gmail.com


Comentário:

Senhor Zezim, A mi é primo fastado di Eugénio e sta di acordo qu el e qu nhô também. Nca tem nenhum problema p'intendi 'scrita di nhí.Alupec só ta cansano cabeça.Parabens a storia. Abraço Tozé

Antonio José Delgado            tozedelgado@gmail.com


Comentário:

Eugeunio delgado. ja somos dois badios contra a ditadura..alupequiana. um abraço

jr           joserui66@hotmail.com


Comentário:

Caro amigo Zizim de Ti Djô Figuera: Como è bom recordar os nossos valentes de aqueles tempos sem armas nas mãos soube emfrentar o terrivel sistema colonial portugues, como o nosso inesquecido Hèroi Capitão Ambrozio, homens como este que jamis existe foi e sera um simbolo nacional o homem que nunca pensou em as consequencias que poderia emfrentar, porque o seu unico objetivo era vencer a fome das gentes da ilha de sanvicente naquela època. Recordo tambèm cuando a fome atingiu em todas as ilhas, então o governador de cabo verde de aquel tempo pediu ajuda ao governo assesino colonial portugues do Salazar para o ajudar combater a fome, e qual foi a resposta deste grande assesino Salazar? (Que alargam os cementerios) Djê Guebara Lake Worth Fl.U.S.A.

Djê Guebara                nhela80@yahoo.com


Comentário:

A questão não é de ser badiu ou sampadjudo. O imperativo é cada ilha com o seu crioulo. Eu sou badiu também mas sou pelos 9 dialectos e contra a ditadura cultural.

Alberto Tavares               altava@sapo.cv


Comentário:

jr-José Rui, pode contar comigo! É uma questão de honra defender a nossa cultura na sua totalidade. Admiro a sua sensatês em seus comentários. Juntos para um Cabo-Verde unido. Um abraço.

Eugénio Delgado                 ordel@hotmail.com


Comentário:

António José Delgado, se o meu irmão Tonecas não tivesse falecido, pelo nome diria que era ele. Fico feliz em tomar conhecimento do nosso parentesco. Um primo afastado podi ser más perto di quel qui ta parci. Amo os meus parentes independete do grau de aproximação. Quero ser um primo próximo! Conte comigo e tenha liberdade de me comunicar pelo e-mail que vai aqui. Um abraço, Eugénio Delgado

Eugénio Delgado             ordel@hotmail.com


Comentário:

Grande artigo Zizim relembrando o Capitão Ambrósio este homem que simboliza o espírito de resistência perante as adversidades das gentes desta ilhas e a esperança na mudança e nos dias melhores.

José Fortes Lopes

V O L T A R