TCHÊSE’S FÉRIA NA SANINCLAU (d’ônes 58/60)

Dês qu’um intendê nha nome, nha mãe Maria Eugénia Monteiro, vulgo Bia Figueira pa casamnete del ma nha pai Djô Figueira, sempre falome de SaNinclau terra de sê mãe nha vuzinha, Eugénia Maria Monteiro, natural de Praia Branca.

Enton, na tempe de crise de fome na Ilha (ones trinta – Os Famintos de Luiz Romano), ês bem tude pa Cachaço, pas podia fecá más perte de “Fund d’Stancha” ondê ricurse sempre tava parcê.

E, foi pamode isse que nha tia avó Júlia Martina, cunchide pa nome de Zia, pa gente de casa e Nha Júlia de Tino, pa sê pove, pamode ela qu’era amdjer de Nhô Tino, trazê e criá nha mãe moda sê fidje, junte ma d’seus, pa Soncente lá na rua d’Antone Nola, rua ondê qu’um nascê.

Na mei daquel tarataçon d’escapá de crise de fome, certe que familia nô dexá na Praia Branca ma na Cachaço de SaNinclau e tcheu, quê sempre nha mãe Bia, tava falome c’tristeza de sês tius, ma tias e primes que fecá pra lá e, s’um dia ‘m pudesse bai tê lá desincová familia, pa conchês e fazê amizade era cosa drete.

Enton, quel opurtunidade bem parcê, quonde junte ma malta de n’idade na época, nô fazêba quint’one de Liceu e nha mãe, pa quel passája de vida importante lassim. Fazem prisênte dum passaja pa SaNinclau na naviu Ildut, c’denher de venda de sucrinha, sê especialidade de fama que tava fazê ligria de mnine de escola ma gente grande, daquês rua la perte, ma de nôs Rua de Travessa de Praia de Bôte.

Casa pa gazoie la na terra jà nô tinha, pa cunvite de familia ma amigues, quê calhá cma naquel one lassim nôs era tcheu, ta bai pa SaNinclau, p’uns féria na Ilha de Monte Gorde que fecá na historia.

Assim, num sexta-fera de mês Julhe de fins d’one cinquenta, pa 18 (dezoite) hora, uli nôs tude imbarcode na borde daquel grande naviu de vela por nome d’Ildut c’nôs malitinha, mala e más cosa pa decôr de viaja, moda bacia de cama pa qem que tava injoá etc,.

Era de viaja tude quês cumpanher d’escola ma Liceu Gil Eanes, uns más bedje qu’otes. Ma nôs malta era más tcheu na borde, quê tinha nôs grande amigue Pio Lopes, butzode pa malta (de Ti Tchuque Mateuze ô o Eterno Estudante), sempre active ta comandá malta, Chico Ajuda, Zeca Cortêz, Djibla, Guinolde ma Djunga de Bissis, Pascoal que tinha side amdjor alune de Liceu, daquel tempe, ma sê irmon João, Toi ma Abilio Alves, John Di Deus (Nhánha) ma sê irmã Yolandinha, Lica Salomão (Deus dal céu) ma sê rmãzinha Jocelina, Djô Culana, mi e más e mâs ôtes.

Ildut quel dia, bem carregode moda el tava, depôs de espendê fer, sei além ta bai, chei de malta, na son normal dum naviu de vela ta ratchá ága, deboxe daquel brisinha de mar que tava mute poquin.

Enton, Nhô Jon Ped Canja (de nome João Martins, irmon de nha Marta antigue continua de Liceu ma nha Bibi amdjer de Ti Jule Monteiro - Pombinha), grande Capton d’Ilhas e Costas, mandá pô motor auxiliar d’Ildut ta trabaiá, pa ijdal na manobra de saída de Porte Grande e cma araja de vente, tava ta dá amdjor pa Sul, nô sei naquel direçon. Log que nô passá, Ponta de Môrre Bronc ma farol de S.Pedre,nôs Capton Mestre,mandá içá tude vela, pa Ildut, podia proveitá assim c’força tude quel araja fresc de lorgue que tava prop regular.

Certe que done de naviu Ildut, era Sr. Zezinho que também era Capton, ma quem tava orientá naviu era sê tripulaçon, sô de gente serie na sês traboie que Sr Zezinho tinha confiança forte. Na mei de tripulaçon, tive aquês que marcá nôs passaja, moda Nhô Gims, contra-mestre que nô ca podê esquecê e más e más ôtes .

Moda tava dzide na borde, quem qu’era Grande Capton era Nhô Jon Pede de Canja, quê basta Sr. Zézinho tava fazel grande confiança e tava intregal sempre naviu, sobretude naquel passaja, perte de Ponta de Ferro Braz, cunchide pa tcheu capton, p’um lugar reverse, ondê que vente, tava e ta mudá sempre e dificultá manobra, na camin, de bai entrá na Porte de Priguiça de SaNinclau de Cab Verd. Cosa que pa Nhô Jon Pede Canja, tava passá sempre moda ága na baloie e el tava bai directe pa Porte de Priguiça, inquante qu’otes tava bai fazê volta lá na lorgue.

Ê de lembrá, cma quonde Cais Costavel tava quaz pronte, ês pedi Ildut pa bai experimentá de tracá. E assim foi. E, quem bai fazê quel manobra, foi Capton Jon Pede Canja que tchegá c’sê Ildut na motor auxiliar, dá tracá one time, deboxe de palma de tude quel pove. Enton, depôs e log em siguida naquel momente, foi vêz de vapor de guerra português Vouga. O que foi um verdader chatisse, quê manobra sei Vouga mariode, c’tude gente ta corrê derriba de Cais Costavel e Vouga imbalode ta cuntinuá t’avançá ta trá uns data de talasca de cemente em perigue de vapor frá sê cosque.

Depôs de tude ês lembrança, viaja continuá, c’uns injuode, ôtes mariode sem podê dás corpe de si.D’nutinha no cumeçá t’oiá Farol de Barril, la longe, c’aquel vintim que tava prop bunzin, note clore, c’um bnite luar e Ildut sempre além ta bai, ta ratchá ága e uns poce voador (pexe) ta sei fora d’ága, de vez inquante, pa mostrá cma ês tanbém tava ta cumpanhone.

PICO AGUDO DE GUIDINHA (da esquerda para direita) Dona Guidinha, Ivone, Jocelina (a pequenita), John Di Deus, Biuca, Herminio Silveira, aliás Futche de Nhô Jon Doia, Yolandinha, Zizim Figuera com mão sobre Pio Lopes, Chico Ajuda e Djibla

Na dia seguinte plumanhã, nô tchegá naquel na Porte Bedje (Priguiça) que ja tava bem movimentode pa estivador, na traboie de carga e descarga de naviu. Nôs, Log que nô pude, nô dexi na bote, nô imbarcá pa terra, c’nôs malitinha, direçon casa de Dona Augusta mãe de nôs cumpanher de merguiá e amigue, Agusto Nolâsco que tê inda era vive. Quê la, ê qu’era posente de tude malta que tava tchegá d’ôtes Ilha e ondê que tude nôs foi muye bem recibide.

Inda, mei dogode de viaja e pa espertone corpe, Dona Augusta, preparone um bom cafê, mâ sô qu’em vez de catchupa guizode, tive foi um super farinha de pau fete na moda de terra, passode na frisdera, c’çabola ma tuçim bedje, prop sabim.Tão sabim, tê que ca fecá nada na prote pa tistmunha, quê foi cmê lembê bic, c’aquel fome que malta tava.

Cma ca podia dexá de ser moda na tude porte de mar, sei log um pirraça lá na casa de Dona Agusta, quonde tchegá Izê Maninha, chôfer d’Nho Padre que nô bem conchê e vrá bastante amigue depôs, naquel camiunitim jovita, ta falá sô sê português, ma mas pa goze pamode malta. Enton, el vrá, el perguntá Dona Augusta em português: - Então Dona Augusta, tudo corre bem ? (se tude cosa tava ta corrê Dona Agusta, drête ???)

Ma Dona Agusta, na mei daquel confuson de gente t’entra ta sei, pensá cma Izê tava ta perguntal era pa quês corre binde de Fund de Stancha pa Priguiça ?! Enton, ela na tude sê inocência respondel na sê bom criol de SaNinclau: - Djoa, djá bem alguns, quêz’ôtze, tê gô ‘m c’odjâz!

Enton, depôs de nô ter arride um bom bocôde, dês passaja, d’Izé Maninha, ma Dona Augusta. Chôfer Izê Maninha, cuvedone log, se nô queria, bai ma el, pa Fund d’Stancha (Vila Ribeira Brava). Log no proveitá quel boleia, nô sebi, nô bem la na caixa parte de tráz de camiunitim Jovita, trançode ma carga, tude feliz, pamode quel ocasion dum nova vintura,na terra de nha vuzinha,que tinha cumçode drete.Tchegode na Vila, c’sê Rebera tude virdim, quê quel one tinha dôde tchuva, nô espaiá log, pa casa d’amigues, que tinha nôs cuvdôde.

Datardinha, nô bai pa Fund d’Stancha, ondê que nôs contacte ma malta jovem da lá, foi daquês incontre que nunca gente podê esquecê. Quê lá, nô ba conchê quês moce que durante tude quês feria, sês priocupaçon, era fazê gente passà sabe e estode feliz na nôs Ilha de SaNinclau.

Era, Taloche, Tchai, Izé de Bijona, Zug-zug, Pifa ma sê irmunzim Pof e más otes de Clube de Futebol Copacana, rival d’equipe Ribeira Brava de Sr. Adelino Santos Silva, casode ma Dona Mariazinha Mendoça. Taloche, nôs amigue e nôs guia, tava cumpanhone sempre pa tude banda, o qu’era pa nôs era bom, quê tude gente tava conchêl na terra. Cma era primer dia, nôs tude cansode de viaja e tude quês emoçon, no cambá casa, ba drumi pa descançá, quê d’note fetchá, nô ca nem tmá fê.

Na dia siguinte, log cidim, uns pidrinha, foi rufenode pa janela de malta, ondê que nô tava ta drumi. ’M cordá, inda dogode de sone ta esfregá oie, ta perguntás era qsê? Es dzême cma era pam despatchá, quê tanque d’ága Petchena, tava chei, pa no bai tmá quel bom bonhe, antes d’ora d’rêga tchegá, quê senon, lavrador tava usal pa rega sês planta e nô ca ta otchá nada.

Dvera, era um verdader delire log cidim, c’tude quel pove na volta daquel grande tanque de Petchena, chei d’ága moda um piscina, ta proveitá ocasion daquel bom bonhe, num sabura sem igual. Era liza e mâs liza sem pará. Também, más longe, tinha ôte grande tanque por nome de Tantchon, que tava fecá,más pra boxe, ma nôs, nô tava gostá, más era de Petchena.

Depôs daquel bonhe, antes de sebi pa bai tmá cafê, nô tchegá de fazê um grande descoberta na Rebera, dum frutinha que nô ca tava conchê, parcide c’um goyavinha duçim pafronta, chei de vitamina, por nome d’Araçá, moda ês tchegá d’explicone. Problema ê que nô imbalá ta cmês demás, o que foi log um chatisse, quel provocone log tcherica que tmone conta de lampeda lá na Rebera, pa ligria de poce Bione ma Côrve.

Assim cumeçá, stora de nôs féria c’mil e um peripécia, pa contá, durante tude quel mês, que nô tive, na terra d’Nh’Avo, Eugenia Maria Monteiro.Tude quês nôs passei na Ilha, era fête a pê, ô na limaria, quê nô ca tinha corre, nem estrada drete, pa fazê volta, e quonde tinha um cosa oficial pa fazê na Ilha de SaNinclau, admistrador Tadeu, tava deslocá era na jeep d’amistraçon.

Na dia siguinte, no rancá a pê ma nôs chefe guia Pio, c’sê irmunzim João, Vlademire, Chico Ajuda, Djibla, Talôche, e más malta, que nô bai ta panhà pa camin e, cma festa de Nª.Sr.ª da Lapa, nas Queimadas, tava quaz ta bai rancá, assim no proveitá de sei de Funde d’Stancha, uns dia antes.

Da lá de Fund d’Stancha, nô sebi tude junte, lá pa Faiel, ba bescá Pio, Chico Ajuda, ma Djibla, enton no passá na Cigana, da l’a no cambá Todje, ondê qu’um bai conchê, Nh’Adelaide primers prima de nha mãe Bia e que nha esponte foi total, quê dvera dvera moda criol ta dzê, sangue ca ta lavá. Quê Nh’Adelaide era um copia colode de nha mãe.

Deboxe daquel pobreza, ma chei de morabeza, sei log quel café c’farinha d’pau (farinha d’mandioca) c’tuçim moda tradiçon de terra ta mandá, na respeite e grande amizade.Mute fala, mute conversa e tcheu ligria, ma promessa,de conchê familia. Basta Nh’Adelaide, na ône siguinte, tive là na casa na Soncente, bai conchê nha mãe, sê prima e familia, p’admiraçon, de tude quem qu’oiás djunte.

Depôs, no continuá, nô passá na Maré Palinha, panhà nôs amigue e grande caçador d’galinha d’mote, Tchida ma sê irmunzim. Ondê que nô proveità de vesità e conchê Nha Lourdes de Maré Palinha, ma sês filha, Landa ma Letcha, tud’ês dôs mute bnitinhas.

Pa camin, também nô cruzaba Imelda ma quês fidja de Nhô Jack Barrête que dexone tude dode, pa tão bnita quês era. Má alguém falône, pa tmaba bem cuidode, quê Nho Jack era mute nervose e el sabia ijgà boxe. Basta lá na sê casa, ês tava cordal na sône era de longe e c’um caninha de carriçe, quê el tava argui log ta largá soc pu’ ar. Assim, era precise ter mute cuidode, na andaba, lá pa quês lôde d’sês fidja.

Nôs na viaja sempre a pê, ta continuá ta bai ta gozá daquel panorama, quê tinha dôde tchuva e SaNinclau, tava prop virdim, pa tude banda, qu’um tchêr sabe d’jasmin ta invadi Rebera e tude camin, ondê que nô tava passá.

Na tude quel força de nôs juventude, nô ca tinha nem tempe de pensá na cansera. Da lá, nô sebi pa Campin, Agua das Patas, depôs Cachaço, terra ondê au nha avô dexa familia que também um ba conchê pa ligria de nôs tude, c’mas uns prime que recebeme mute bem, c’aquel ligria, mode nôs que descobri parcença de familia em vida, ma na ratrôte.

Chei d’emoçon, no cambá, Pico-Agudo, pa casa de Dona Guidinha, mãe de nôs amigue e colega John di Deus (vulgo Nhànha-Deus dal céu) ma Yolandinha sê irmã, ondê que nô foi recibide c’aquel morabeza d’custume e “TCHEL MODJE” de Manel Antone pa jantar, ondê que Dona Guidinha pô tude sê arte de cuznhera e nô sube apreciá.

Nô descançá um bocode, cma era hora de festa de Nª.Srª. da Lapa, nô foi cuvedode pa “tchel bôdje de viola e bic c’Rabeca”, lá na Ti Chêche, pai de nôs amigue e colega Toi Leça. D’note, foi quel super boie de viola e bic, naquel sala soalhode de madera, sô c’um cantin quadrode de terra, lugar pa tocador. E, tinha um explicaçon, quê tocador, sobretude de Rabeca, naquel movimente de cumpnhá múseca c’pê, tava dexá sô broc, lá naquel conte de casa.

Nhas gente, nôs inocente, sem conchê custume de terra, nô rancá na boie, cada um, c’sê dama, prop sabim, quonde derapente, quel tocador de rabeca, bazá quel: - FIUMM…D’RESTÊ… Sinal que tude gente divia respeitá e largá dama e podia trocá de DAMA.

RESTÊ, sempre dá guerra na boie! Log lá, ta sei um pâte pâte de fadiga, quê enton, nô uvi um hôme grità: - Djâ Ptâaaa! Quel soc , parcê, no ar, nôs nô abri, nô saí tude pa janela, c’guerra sem done la dentre na sala. Foi lá enton, que nôs Ti Chêche c’sê força de boi, intervi, t’abri broce ta dzê : - Ami ba soc, um ca ta sirbi… ma pa pintche… Dvera, c’sês dôs broce aberte, el brangi tude quel pove, el pôs tude fora de sala. Depôs, gente calmá, nô torná entrá e boie, pude cuntinuá tê plumanhã.

Nô saí de boie, cansode, nô cambá casa de nha tiu Norberte Monteiro (Somada de Cerrado) lá na Olte de Queimadas lugar ondê que tava morá ês nôs estimode professor. Quel dia passá rapte, nôs tude cansode de festa de casa de Ti Chêche, enton d’nôte, nô ba drumi la na casa de Ti Norberte.

‘M ca ti ta lembrá, quem que tive quel ideia de pagá cander e rancá, c’aquel brincadera, moda ruleta russa, ta rufená cumpanher sapote ô tude o que beem na mon, naquel escure, tê um gatim cuitode fazê parte de festa e fui rufenode, na mei daquel dodisse.

Cada um de nôs, fecá caladim na sê conte, gatchode moda no pude, e nô ca tive manera drumi quel note e, quonde plumanhã manchê, nô tava tude, uns deboxe de cama, ôtes gatchode na quonte de janela etc.

Depôs de café, no cambá pa funde das Queimadas, lá pa Nhô Pirico comerciante done de sala de boie, pai de Maria Lourdes. Lá mesme tive missa, siguide depôs pa TCHÊL MÔDJE na tude casa que nô tive. Um bocôde depôs num botquim, ta torná saí um guerrona, ma sô c’gente de terra.Cosa ingraçode naquel mei, ê que uns minute depôs, tê Nhô Padre Capuchim (Fidélis) italione, um bocode forton que tava pra là na misson, ragâçà sê manga de camisa e cnhá na guerra.

Na fim de festa, no rumá tude pa Fund d’Stancha, sempre a pê, ondê que nô bem tchegá, jà d’nutinha, deboxe daquel son marabidjôse de “DVINA” na Praça de Nª.Sr.ª da Graça, lá n’Olte d’SanJon, quê tinha morride um fidje, dum amigue d’nossa, assim e nô tive de bai sisti, quel cantiga, d’Igreja chei de melodia, moda Avê Maria de Gounod, ta invadi Rebera.

Depôs tive más passei, pa Monte Gordo, Farol de Leste, Compe de Leste, ondê que nô bai caçaba galinha de mote, ma Tchida, tê que naquel dia, parcê um data de galinha, nôs tude gatchode tràs dum parêde, Tchida fecá tão excitode, quel pô mon na cabeça, el dà um grite ta dzê : - Ês, vai ser uma caça da merda. Dá quês galinha espantá, ês tude voá, já nô ca pude panhá nium quel dia.

Féria cuntinuá, prop sabim, basta tude gente, já tava conchê nôs, tê quês fazê nôs um cantinguinha na stile Rock’n rol qu’era: - Olá Talôche, ma tchese mnine ti...ri...ri..rá, ê ma Manel e ma Silvine ti...ri...ri...rà…etc… Nô vrá ta conchê também tcheu gente, moda Lima matador de boi, c’sé força de matá, Garfim (guarda Munipal) ma Toi Sacristão d’Igreja qu’um vez dzene, cma no ca divia sentaba, naquês bonc c’costa voltode p’Igreja. Não sem esquecê aquel grande Arauto da Ilha de SaNinclau por nome de Nhô Padjal.

Pa despedida, foi fete um grande jogue de futebol enter Copacabana e Ribeira Brava. ‘M ijgaba pa Ribeira Brava, ma Copacabana ê que ganhá. Siguide dnote pa quel grande boie na Funde d’Stancha, c’malta tude prop sabim. Sô que lá, jà no sabia qsê qu’era RESTÊ!

Assim,“Tchêse’s Féria na SaNinclau” cabá e naquel ote dia foi quel imbarcar de malta, na Priguiça, pa borde d’Ildut na camin d’Soncente, chei de sodade, c’familia, ma piquenas, que nô dexá na nôs querida Ilha de SaNinclau, ta sanone c’sês linçim bronc, da lá derriba, naquel olte, perte daquês ameias chei daquês canhão antigue (PATRIMONE D’ILHA), pa defesa de Porto Velho de Priguiça.

Enton, Ildut c’sê força de custmme rancá, c’tude sês vela içode, ta dexá pa trás, quel stera d’ága, na saída de Porte de Priguiça, c’sê Capton Jon Pede de Canja, na barra e nôs Pio, pegode na violão junte ma Tchim (Valério de Ti Norberto) ta cantá quel morninha: - D’uli féria ta cabá… Sô pa fazê gente fecá inda, mas triste e c’coraçon pertode, chéi daquês recordaçon que ta vivide um vez sô na vida e que nô trazê ma nôs de terra, de nha vuzinha Eugenia Maria Monteiro, natural de Praia Branca – SaNinclau de Cab Verd.

ZIZIM FIGUERA

V O L T A R


Nota: Os meus agradecimentos ao amigo Amilcar Spencer Lopes por me ter ajudado a rectificar várias passagens do texto.


Comentário:

Oh !.. ( irmao das nossas comunidades ) ; Ao ler a tua estoria de hoje logo de manhâ , me fez voltar para tràs e reviver os meus primeiros passos na vida , pois como sabes nasci em Sao Nicoilau - Praia Branca , là onde a tua avò nasceu !.. Antes de vir para Sao Vicente , onde eu fiz pràticamente a minha juventudo , porém nao posso esquecer Praia Branca , ( lâ ondê qu'nhâ " ambigo " stâ ) , precisamente na ( Olte de cantrêra ) !.. Confesso que tu me fizestes relembrar e reviver os meus primeiros passos, como fidjê de saninculau - um patchê parlou - momentos inesqueciveis por todos aqueles que amam a sua terra , a sua ilha , como a minha que é Sao Nicolau !.. Aquele especial abraço e parabéns pela tua boa memoria , apesar dos anos !.. ( Teu irmao das nossas comunidades ) Um Criol na Frânça ; Morgadinho !..

Joaquim ALMEIDA           soalmeida@free.fr


Comentário:

FAntastico ZIZIM. Aquele rijo abraço de Saninclau. CABRAL

CABRAL                 djoca@gmail.com


Comentário:

Meu caro Zizim, Estou tão emocionado com essa magnifica e rica estória que nem sei por onde começar. Mas o certo é que tiro-te o meu chapéu bela belíssima apresentação escrita de acessivel leitura a todos os cabo-verdianos e pela tua fantástica memória que me fez recuar grandemente no tempo das boas convivências entre as gentes das nossas Ilha de São Nicolau e mesmo S.Vicente e outras por onde passei e vivi. Para concluir só te digo um Bravo!!! E um Bem hajas!!! Forte abraço Chico

Francisco Spencer                   chicospencer@gmail.com


Comentário:

Caro Z.Figueira, Nosso compaheiro e amigo, a tua estória está "sabinho nem um papa c'lete". Olha que esta manhã já me fizeste reviver tanta coisa de que juntos fomos protagonistas e as nossas incansáveis marchas a pé da malta deambolando pela a nossa bem amada Ilha de São Nicolau de Funde de Stancha para quasi todos os recantos da Ilha que conhecemos, acompanhados pela aquela mula do amigo Pio que lhe facilitava a dselocação por causa do seu joelho. Bons tempos meu caro Z.Figueira e muito obrigado por todos esses rememberings. Grande e fraterno abraço Valdemiro

Valdemiro Benrós                 valbenros@yahoo.com.br


Comentário:

Uma maravilha de estória meu irmão que todos soubemos apreciar cá na terra. Recordar é viver!!! Que mais dizer meu caro amigo que és deveras fantastico e mereces todo o nosso carinho. Beijinho Imelda

Imelda Dias Lopes                omeldadlopes@hotmail.com


Comentário:

Caro amigo Zè, uma lembrança formidavel, daquelos bons tempos, que cada ves à sempre uma surpresa, desejo que contunuas sempre a trazer estas boas recordaçõnes. um abraço amigo Januário.

Januário Matias Soares               jmsoares@kpnmai.nl


Comentário:

Exeelente história da nossa querida ilha. Fico ainda mais radiante por saber que os meus tios Pifa, Pof e o falecido Zug zug assim como o meu primeiro mestre d violao o saudoso Ze d'Bijona, todos fizeram parte da vossa aventura na Stancha - SN. Contudo, fico mais triste por ver que, apesar do seu valor histórico, o Porto da Preguiça bem como toda a zona baixa (de grande potencial turistico) dessa localidade encontram-se votados ao esquecimento por parte do poder local/central, para angustia e desespero da população que sempre dependeu do mar/porto. Bem hajam histórias do género e que despertem os governantes para o bem do progresso do nosso povo. Abraços de um Patche Parloua!

Osvaldo Fonseca              vavafonseca@hotmail.com


Comentário:

Zizim, foi um regalo ler esta estória, que creio ser inédita, pois não me recordo de a ter lido antes. Férias fantásticas, rapaz, aquelas que na nossa infância fruíamos com imensa alegria e mofineza, apesar da pobreza e limitações do meio. Nunca fui a S. Nicolau, mas algumas crónicas que tenho lido sobre a ilha espicaçam-me a curiosidade. E tenho um antepassado natural da ilha, uma bisavó, mãe da minha avó Arcângela Miranda, que é mãe do meu pai. Também, tenho uma ligação parental por afinidade ao antigo capitão do Ildut, João Pedro Martins. Como sabes, o Ildut naufragou perto de S. Nicolau e ele queria ir ao fundo com o seu navio, não obstante o socorro náutico que em devido tempo salvou toda a tripulação e, creio, passageiros. Este episódio fez-me escrever um texto poético meio trágico meio brincalhão que dediquei à memória do valoroso capitão e ofereci aos seus filhos, um dos quais é meu cunhado. Um grande abraço e desejo dos melhores votos pela tua saúde e pela conservação do inquebrantável moral que te caracteriza.

Adriano Miranda Lima


Comentário:

Sr. Zizim, sou filho de Jonh Di Deus, e não imagina a alegria em ler esse relato da vossa juventude daquel temp. Obrigado pela fotografia que me permite recuperar a história da minha família.

Avenino Lopes da Silva                       alopesilva@yahoo.com.br


Comentário:

Zizim Já viajaste muito por este cabo Verde. Desta vez temos uma história que nos faz viajar no tempo e no espaço. Não conheço S. Nicolau mas a tua história fez-me viajar até essas bandas e pôs-me a sonhar de umas férias aí. Eu passava-as em Sº Antão na Rª Grande.

José Fortes Lopes

Comentário:

Não basta ser de São Nicolau para amar a Ilha de Monte Gordo e seu povo. Sou português, nasci em Torres Vedras -Portugal, mas já la fui várias vezes a Cabo Verde especialmente a São Nicolau, onde me situo muito bem e sobretudo nas Ilhas do Noroeste. Essa rica estória escrita na lingua cabo-verdiana que pude ler sem dificuldades, por este Sr.Z.Figueira que espero um dia ter a honra de o conhecer reconstitui de forma interessante e singélica o Histórico da Ilha. São Nicolau esteve florescene e cheio de esperanças no tempo do Sr.Dr.Amilcar Spencer Lopes que muito fez pela sua terra e seu povo. Ultimamente, só pude constar com profunda tristeza um abandono completo da Ilha de São Nicolau, uma Ilha com um potencial de exploração Turistico enorme mas que o governo central nem quer saber. Mas é preciso continuar a lutar pelos interesses desta Ilha dos meus afectos que é a Ilha de São Nicolau. Parabens ao autor-escritor. Grande abraço Ivo

Ivo Teixeira                   ivoteixeira@netcabo.pt


Comentário:

Amigo Zizim,'M ta conhece tudo nhos, ques tres miudas mas crescida, quel rapaz qui sta tras da menina de oculos q/ era nos guarda rede da Academica, mas ses nomes un ca ta lembra, excepto os inesqueciveis bô e Djibla. Storia ta prop nice.Parabens. Braçona Manel Centeio Comment History

Manuel Centeio             mcenteio@hotmail.com


Comentário:

Zizim, Aqui em Sidney no nosso grupo há 9 familias cabo-verdianas de São Nicolau Hoje preenchestes-te-lhes o seu dia com essa sublime crónica domingueira. Houve muita emoção porque dizeste coisas bem justas e acertadas que para eles teem grande importancia e tocou-lhes no mais profundo dos seus "Ser". Te felicitam por teres a tua costela "Patchê Parloa" do lado materno. Anyway, nôs tambem gostamos imenso da estória e da foto onde reconhecemos muita malta. Força n'irmon e Deus c'bô. Grande abraço Terencio

Terencio Lopes               terenciolopes@yahoo.com.au


Comentário:

Zizim my big brother, Hoje aqui em Orlando USA temos festa grossa na Associação todo o dia e aproveitamos para ler colectivamente duas Historias tuas: Mania de Mnine de Soncente e esta de Hoje Tches's Feria na Saninclua. Foi um verdeiro jubilo da parte dos nossos amigos saniclauenses que todos gostaram do texto e da foto onde reconheceram muitos dos seus. Parbens e força sempra nha broda. Beijinho Yo

Yolanda Dias                 yoldias@aol.com


Comentário:

Zizim Já viajaste muito por este cabo Verde. Desta vez temos uma história que nos faz viajar no tempo e no espaço. Não conheço S. Nicolau mas a tua história fez-me viajar até essas bandas e pôs-me a sonhar de umas férias aí. Eu passava-as em Sº Antão na Rª Grande

José Fortes Lopes



Comentário:

Acabei de ler o artigo sobre as nossas aventuras por terras de São Nicolau Gostei imenso. Só tu consegues fazer relembrar aqueles belos tempos que embora com pouco dinheiro viviamos felizes e não dormiamos a pensar no que a TROICA e"seus pupilos" iam inventar para o dia seguinte. Parabéns .TI TCHUQUE MATEUS VAI GOSTAR!!!!!!!!. Abração Chico Ajuda

Francisco Ajuda          chicoajuda@hotamail.com


Comentário:

Está mesmo excelente a sua crónica sobre São Nicolau com toda aquela realidade dos factos e pessoas que bem conheci e de bom tratamneto. Esperemos que o Sr Dr Amilcar Sp Lopes torne a vir tomar conta de toda a nossa Ilha. Somos todos pela Rgionalização das nossas Ilhas do Norte. Parabens pela sua obra na nossa lingua cabo-verdiana. Um abraço Zeca

Zeca Almada          zecaalmada@yahoo.com.br


Comentário:

Mais uma vez, obrigado Zizim de Ti Djô Figuera para trazer essas recordações que tanto nos faz recordar as nossas gerações donde nòs SOMOS por as descendências ascentrais. Graças a tua crònica todos nòs temos raizes de todas as ilhas por mais que nascemos em sãovicente, pois os nossos ascentros pertencem as outras ilhas.Tal como eu Djê Guebara, minha mãe era natural e San Nicolau que emigrou para soncente nas èpocas de de 1930 ao qual que nasci em são vicente de mãe de Saniculau e pai de Brava. Pois assim è o nosso soncente, como se dicem aqui em America (Molting Pot) è uma mistura das ilhas que todos nòs amamos. Zizim è bom recordar os nossos, porque nos faz sentir felizes e agredecidos como esta frase: (TEMOS QUE ESTAR AGREDECIDOS PELA NOSSA IDADE, PORQUE À VELHICE È O PRECIO DE ESTAR-MOS VIVOS) Djê Guebara desde de Lake Worth Florida.

Djê Guebara                 nhela80@yahoo.com


Comentário:

Caro Zizim Delirei com a tua estória patchê que me fez recordar a minha terra natal e os amigos de infância. Não te distraias com outras coisas e acaba primeiro a arrumação dos textos para poder ajudar-te a publicar o livro na Mondrongolândia onde pouparás dinheiro e poderás fazer o primeiro lançamento na Associação Caboverdiana na passagem a caminho de nôs Soncent. Um abração.

arsénio de pina               arseniopina@hotmail.com


Comentário:

Meu caro, não podia de forma alguma deixar de vir cá neste nosso grande Jornal Liberal On Line,te saudar e felicitar-te a ti meu amigo de infância Zizim Figuera, nosso Jorge Amado cabo-verdiano, filho de Dona Bia Figueira e Ti Djô Figuera também figura emblemática Mindelense, grande huamnista que muito fez pelo seu povo e para manter o Club Sportiv Mindelense de pé e em vida. Zizim, meu irmão após esta pequena introdução, venho de novo solicitar-te. Pois graças a tua brilhante memória e a tua escrita neste crioulo castiço que vem seduzindo todos os cabo-verdianos sem excepção através dessas brilhantes crónicas, há muito que devia ter feito objeto de ensaio para reforço da lingua cabo-verdiana pelo nosso Ministério da Cultura. Mas como sabemos do ódio que fomentaram desde 1975 contra os "sampadjudos" nunca te vão dar primazia alguma ou exortar-te como grande escritor de expressão cabo-verdiana de que te revelaste. Mas não faz mal, pois um dia virá que tudo isso entrará como a verdade na ordem e no seu devido lugar. Sinceramente digo-te que a hsitória está um regalo e bastante elucidativa quanto ás afinidades socio-culturais entre os nossos povos cabo-verdianos das Ilhas do Noroeste. Uma Regionalização como já se fala e em grande po cá seria muito "Bem Vinda" para nós.Pensar é lutar. Força amigo Zizim, pois mesmo aqueles que dizem não te apreciarem cá veem meter o seu nariz e dar um espreitadela.

Bem hajas meu irmão!!! Grande abraço Paulo Izidoro

Paulo Izidoro dos Sqntos               pauloizidsantos@yahoo.com.br


Comentário:

Obrigada, Ze, por manteres vivas essas memorias.O peito doi-me de tantas saudades.Fraterno abraço Yolanda

Yolanda Lopes da Silva                yolandalsilva@aol.com


Comentário:

Olá Zizim Figueira, um cabá d'le bôs feria na SaNinclau, creditá era moda sum tava ta vesitá SaNincolau na nhas temp de rapzin. Um sodad danode tmom conta d'coração. Um ta proveitá pa dzeb q'Nha Lurdes d'Maré Palinha morrê ja tem uns dôs semana. El tá vivê na PataKet e el táva c'103 one. Sê fidja Letcha fecá ma el tê ultme sopre. Um braça d'amigue carlos

Carlos Estevão                     carlosestevao@aol.com


Comentário:

Zé: As tuas historias teem preenchido os meus fins de semana, mas desta vez "Tchese feria na Saninclau" tocou-me profundamente, pois não só me levaram de volta ao meu Pico Agudo, onde nasci e cresci, mas também aos meus saudosos mãe e irmão, que perdi. Obrigada pelas referencias carinhosas ao bocado que passaste connosco. Força amigo. Abraço. Yolandinha

Yolanda Lopes da Silva          ylsilva@yahoo.com


Comentário:

Zizim de Ti Djô Figuera, cada dia os teus admiradores se sentem mais ligados contigo por a razão que tu eres um gènio que atravez das tuas estòrias verìdicas nos faz encher de emoções e recordações, e atè derramar algumas làgrimas de saudades de tantos recordos de imfância das nossas ilhas queridas e amadas. Força sempre, porque tu ès um emviado Divino para manter todos nòs caboverdeanos que estamos longe das nossas ilhas unidos com as tuas estorias bonitas nos faz viajar no espaço e estar com as nossas ilhas no coração. (NÃO VIVES PARA QUE A TUA PRESENCIA SE NOTA, MAIS SIM, PARA QUE A TUA AUSENCIA SE SENTEM) Djê Guebara desde de Lake Worth Fl.U.S.A.

Djê Guebara                nhela80@yahoo.com


Comentário:

Yozinha, em que parte desta galáxia estás tu ? Esta estória e a foto trouxeram-me recordações da minha breve passagem por Pcaguda. A tua Mãe foi inexcedível na sua hospitalidade, direi mesmo maternal. Bijim Gaby

Gabriela Mariano                gabrielamariano.cv@yahoo.com.br


Comentário:

Irmão, a estoria está sublime e muito bem contada tal como a vivemos juntos naquelas inolvidáveis férias no nosso São Nicolau. Pena que o Liberal não a deixou mais tempo exposto na pagina principal. Pois muita malta não habil na internet ficou sem ler e comentar. Aí há coisas bizarras que se passam. Porque deixam uma escrita do Marciano ou do Monterond sempre uns dias a mais???

Pio Antonio Lopes                       piolopes@hotmail.com


Comentário:

Oh Rapaz!m' ca consegui tchega na fim des descrição emocionante sem bta um lágrima de sodade de nha terra Saniclau q bô bá conchê na bons tempos. Que maravilha! Obrigado Zizim e Deus companhóbe má bô boa memória e bô boa pena. Um abraço dum admirador de bossa, sobrinho de bô amigo Gladstone.

Carlos A. P. Germano                       djurumani@hotmail.com


Comentário:

Obrigado Zizim.Ler este e outros artigos teus, desperta em mim uma ALEGRE nostalgia. Vida longa, para que possas, conosco,partilhar vivências enriquecedoras da nossa sociedade, e dos seus valores d'outrora. Um forte abaço, John Jenny

João Medina--Médico                 johnjohn.medina@gmail.com

V O L T A R